ད་ལོ་ནི་ཀྲུང་གོ་མི་དམངས་ཀྱི་འཇར་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་རྒོལ་བའི་དམག་འཁྲུག་ལ་རྒྱལ་ཁ་ཐོབ་ནས་ལོ་འཁོར80ལོན་པར་དྲན་གསོ་ཞུ་བའི་ལོ་ཡིན་ལ། ཉེ་ལམ། ཞིང་ཆེན་ཏང་ཨུའི་ཧྲུའུ་ཅིའམ། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ཝུའུ་ཞའོ་ཅུན་གྱིས་འཇར་འགོག་དམག་འཁྲུག་གི་འཐབ་མོ་པ་རྒན་པ་ཀྲང་ཡུན་སུང་དང་ཧྲི་ཀྲུང་ཏ་ལ་འཚམས་འདྲི་གནང་བ་དང་། ཁོང་ཚོར“ཀྲུང་གོ་མི་དམངས་ཀྱི་འཇར་འགོག་དམག་འཁྲུག་ལ་རྒྱལ་ཁ་ཐོབ་ནས་ལོ་འཁོར80ལོན་པའི”དྲན་གསོའི་རྟགས་མ་གནང་བ་མ་ཟད། བླ་ན་མེད་པའི་གུས་འདུས་དང་ལྷག་བསམ་ཟོལ་མེད་ཀྱི་འཚམས་འདྲི་ཞུས།

ཟླ8ཚེས21ཉིན།　མཚོ་སྔོན་ཞིང་ཆེན་གྱི་གྲངས་ཉུང་མི་རིགས་སྲོལ་རྒྱུན་ལུས་རྩལ་འགྲན་ཚོགས་ཀྱི་ཡན་ལག་ཚོགས་རའི་འགྲན་རིམ་གཅན་ཚ་རྫོང་གཡང་མདའ་ལུས་རྩལ་ར་བ་དང་ཁམས་རའི་ཁྱད་ལྡན་ལུས་རྩལ་གྲོང་རྡལ་དུ་ཚོགས་མགོ་བརྩམས།　སྐབས་འདིའི་ལུས་རྩལ་འགྲན་ཚོགས་ནི་མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་དང་མཚོ་སྔོན་ཞིང་ཆེན་ལུས་རྩལ་ཅུའུ་ཡིས་གཙོ་སྒྲུབ་བྱས་ཤིང་།　རྨ་ལྷོ་ཁུལ་མི་དམངས་སྲིད་གཞུང་གིས་རོགས་སྒྲུབ་བྱས་པ་ཡིན།　དེ་ལ་རྔམ་མཐུག་པའི་རིག་གནས་ཀྱི་ཉིང་བཅུད་དང་གཏིང་ཟབ་པའི་དུས་རབས་ཀྱི་དོན་སྙིང་ལྡན།

ལོ་མང་རིང་། བོད་ལྗོངས་ཀྱིས་གཟུགས་འདས་ཤུལ་བཞག་རིག་གནས་སྲུང་སྐྱོབ་དང་རྒྱུན་འཛིན་ལ་མུ་མཐུད་ཤུགས་བསྣན་པས། རིགས་སོ་སོའི་གཟུགས་འདས་ཤུལ་བཞག་རིག་གནས་རྣམ་གྲངས་ལ་རྒྱུན་འཛིན་དང་སྲུང་སྐྱོབ་ལེགས་པོ་ཐུབ་ཡོད།

བོད་རང་སྐྱོང་ལྗོངས་དབུ་བརྙེས་ནས་ལོ་འཁོར60ལོན་པར་རྟེན་འབྲེལ་ཞུ་བ་དང་ཞོ་སྟོན་དུས་ཆེན་རིང་ལྷ་མོའི་ཟློས་གར་འཁྲབ་སྟོན་གྱི་སྲོལ་རྒྱུན་ལེགས་པར་སྲུང་ཆེད། ཟླ8པའི་ཚེས23ཉིན་ནས་ཚེས27ཉིན་བར་ལྷ་སའི་རྫོང་རྒྱབ་ཀླུ་ཁང་སྤྱི་གླིང་དང་ནོར་བུ་གླིང་ཁ་སོགས་ས་ཁུལ་དུ་ལྷ་མོའི་ཟློས་གར་འགྲེམ་འཁྲབ་ཀྱི་བྱ་འགུལ་སྒྲིག་འཛུགས་བྱས་ཡོད།

ཟླ6པའི་ཚེས21ཉིན་སི་ཁྲོན་ཞིང་ཆེན་རྔ་བ་ཁུལ་གཟི་ཚ་སྡེ་དགུ་རྫོང་གི་གཟི་ཚ་སྡེ་དགུ་མཛེས་ལྗོངས་ཁུལ་གྱི་ཡུལ་ལྗོངས་མཛེས་ཤིང་ལྟ་ན་སྡུག་པས། ཡུལ་སྐོར་བ་མང་བོའི་ཡིད་དབང་འཕྲོག་ནས་གནས་འདིར་ལྟ་སྐོར་དུ་ཡོང་ཡོད།

ཡིད་ལྷུང་ལྷ་མཚོ་ནི་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་སྡེ་དགེ་རྫོང་ཁོངས་སུ་ཆགས་ཤིང་། ཁྲོན་བོད་གཞུང་ལམ་བྱང་རྒྱུད་ལམ་ཐིག་གི317གྱི་ལྷོ་སྣེར་ཆགས་ཡོད། ཁ་བས་ཡོངས་སུ་གཡོགས་པའི་ཁྲོ་ལ་རི་བོའི་འདབས་རོལ་ཏུ། གཡུ་ཡི་ཞུན་མ་ལྟ་བུའི་མཚོ་མོའི་ངོས་སུ་འོད་འཁྱུག་འཁྱུག་བྱེད་པ་དང་། འགྲམ་ངོགས་ཀྱི་ཡུལ་ལྗོངས་ནི་ལྟ་ན་སྡུག་པ་ཞིག་ཡིན།

ཀན་སུའུ་ཞིང་ཆེན་གྱི་སྐྱེ་དངོས་སྣ་མང་རང་བཞིན་ཆེས་ཕུན་སུམ་ཚོགས་པའི་ས་ཁུལ་ཞིག་ཡིན་པའི་ཆ་ནས། ཀན་ལྷོ་ཁུལ་གྱི་ཉེ་བའི་ལོ་འགའི་རིང་མུ་མཐུད་དུ་ཤུགས་བཏོན་ནས། འཚོ་སྡོད་བྱེད་ས་སྲུང་སྐྱོང་དང་རྒྱུད་སྤེལ་ཉེན་སྐྱོབ། སྐྱེ་ཁམས་ཞིག་གསོ་སོགས་ཀྱི་བྱེད་ཐབས་དངོས་སྐོར་ཞིག་བཏོན་ནས་རི་སྔོ་ཆུ་དྭངས་ལ་སྲུང་སྐྱོབ་ཞིབ་ཚགས་བྱས།

དབྱར་གཞུང་འདིར། ས་བབ་སྨི་སྟོང3000ཡན་དུ་ཡོད་པའི་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་བསང་ཁོག་རྩྭ་ཐང་དེ་ལོ་གཅིག་གི་ནང་ཆེས་མཛེས་པའི་དུས་ཚིགས་སུ་བསླེབས་ཡོད། ལྗང་ནེམ་ནེམ་གྱི་སྤང་ཐང་དང་རྒྱང་མཐའི་གངས་རི་སོགས་ཀྱིས་གསོན་ཤུགས་དང་མཛེས་སྡུག་གིས་ཁེངས་པའི་ཡུལ་ལྗོངས་ཤིག་གྲུབ་ཡོད།

ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་རྫོང་སེམས་ཀྱི་ཉི་ཟླ་རྒྱལ་ཁབ་སྤྱི་གླིང་གི་འདེམས་སྒུག་ཁུལ་དེ་ཕུ་མདའ་མཚོའི་མཛེས་ལྗོངས་དྲོ་དྲང་རན་པའི་གནམ་གཤིས་དང་ཁྱད་ཆོས་ཀྱིས་ཕྱུག་པའི་ཡུལ་སྐོར་ཐོན་ཁུངས་ཡོད་པས། ཡུལ་སྐོར་པ་མང་པོ་ཚ་གཡོལ་བྱེད་པར་བཀུགས་ནས། དབྱར་དུས་ཚ་གཡོལ་བྱེད་ས་གཙོ་བོ་ཞིག་ཏུ་གྱུར་ཡོད། ལྗོངས་ཁུལ་དུ། ཡུལ་སྐོར་པས་མཚོ་འགྲམ་གྱི་ཁྱམས་ལམ་བརྒྱུད་དེ་བག་ཡངས་ཀྱིས་ལྟ་སྐོར་བྱས་ཆོག་པ་དང་། གདོད་མའི་ནགས་ཚལ་གྱི་ལྷིང་འཇགས་དང་དྭངས་གཙང་ལ་རོལ་མྱོང་བྱེད་ཞོར། པར་མིག་གིས་སྤང་ཐང་དུ་ཕྱུགས་ཟོག་གིས་གཟན་རྩྭ་ཟ་བའི་མཛེས་སྡུག་ཡིད་འོངས་ཀྱི་རྣམ་པ་བརྙན་དུ་བཏབ་ཆོག །

ཆར་ཞོད་ཀྱི་དུས་ཚིགས་སླེབས་པ་དང་བསྟུན། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་གྲོང་ཁྱེར་སྟག་མཆོངས་འགག་མཛེས་ལྗོངས་ཁུལ་དུ་རྔམ་བརྗིད་ཀྱི་གྲོག་རོང་མཛེས་ལྗོངས་ཤིག་ཆགས་པ་དང་། རྒྱལ་ནང་གི་ས་ཁུལ་སོ་སོོའི་ཡུལ་སྐོར་པ་མང་པོ་བཀུགས་ཡོད།