ཟླ5པའི་ཚེས8ཉིན། གོ་ལ་ཧྲིལ་བོའི“དཔང་དངོས་ར་སྤྲོད་བྱས་ཟིན་པའི་གཉེར་སྐྱོང་མཁན”(AEO)ཚོགས་ཆེན་སྐབས་དྲུག་པ་ཧྲིན་ཀྲིན་དུ་འཚོགས་མགོ་བརྩམས། ཐེངས་འདིའི་ཚོགས་ཆེན་ནི་འཛམ་གླིང་སྒོ་གཅན་རྩ་འཛུགས་ཀྱིས་གཙོ་སྒྲུབ་དང་ཀྲུང་གོའི་སྒོ་གཅན་སྤྱི་ཁྱབ་ཧྲུའུ་དང་ཧྲིན་ཀྲིན་གྲོང་ཁྱེར་མི་དམངས་སྲིད་གཞུང་གཉིས་ཀྱིས་མཉམ་སྒྲུབ་བྱས་ཤིང་། “AEOལམ་ལུགས་ཀྱི་ལེགས་ཆ་འདོན་སྤེལ་བྱས་ཏེ་གུ་ཡངས་དང་རྒྱུན་མཐུད་ཅན་གྱི་གོ་ལ་ཧྲིལ་བོའི་ཉོ་ཚོང་ལ་སྐུལ་འདེད་བྱེད”ཅེས་པ་བརྗོད་དོན་གཙོ་བོར་བྱས་ལ། འཚོགས་ཡུན་ཉིན3ཡིན་པ་རེད།

ས་གནས་དེའི་དུས་ཚོད་ཟླ5པའི་ཚེས8ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གི་ལྕམ་མོ་ཕིན་ལི་ཡོན་གྱིས་པའེ་ཨེར་ཀི་ལའེ་ཏི་རུ་གདན་ཞུ་ལྟར་སའེ་ཨེར་ཝེ་ཡའི་ཙུང་ཐུང་ཝུའུ་ཆི་ཆིའི་ལྕམ་མོ་ཐ་མ་ལ་དང་མཉམ་དུ་སའེ་ཨེར་ཝེ་ཡ་རྒྱལ་ཁབ་དངོས་མང་བཤམ་སྟོན་ཁང་དུ་ལྟ་སྐོར་གནང་།

2024ལོའི་རྒྱལ་སྤྱིའི་རྒྱ་མཚོ་སྣུམ་རླངས་ལག་རྩལ་ཚོགས་ཆེན་དང་སྒྲིག་ཆས་འགྲེམས་སྟོན་ཚེས6ཉིན་ནས་ཚེས9ཉིན་བར་ཨ་རིའི“ནུས་ཁུངས་གྲོང་ཁྱེར”དུ་འབོད་པའི་ཞིག་སི་ཏོན་དུ་བསྡུས།

ཕ་ན་མའི་འདེམས་བསྐོ་ཁྲིམས་ཁང་གིས་ཚེས5ཉིན་གྱི་དགོང་མོར་བསྒྲགས་པའི་ཐོག་མའི་བསྡོམས་རྩིས་མཇུག་འབྲས་ལས་མངོན་པ་ལྟར་ན། མངོན་འགྱུར་དམིགས་འབེན་ཏང་དང་མནའ་འབྲེལ་ཏང་གཉིས་ཀྱི་ཐུན་མོང་གི་འདེམས་བསྐོ་འོས་མི་ཧི་སའེ·ལའོ་ཨར·མུའུ་ལི་ནའོ་ཡིས་ཉིན་དེར་བསྡུས་པའི་ཙུང་ཐུང་འདེམས་བསྐོ་ཁྲོད་རྒྱལ་ཁ་ཐོབ་པ་རེད།