པར་འདི་ནི་བོད་ལྗོངས་གཡུ་དགེ་ཚང་བཟོ་ཚོང་ཚད་ཡོད་ཀུང་སིའི་ལས་མིས་བོད་སྤོས་བཟོ་བཞིན་པའི་རྣམ་པ་རེད།
ཀྲུང་གོ་བོད་ཀྱི་དྲ་བའི་འཕྲིན། བསྟུད་མར་ཉིན་འགའི་རིང་། རྒྱུན་རྣམ་ཅན་གྱི་རིམས་ནད་འགོག་སྡོམ་ལས་དོན་ཡག་པོ་སྒྲུབ་པའི་སྔོན་འགྲོའི་ཆ་རྐྱེན་འོག ལྷ་ས་གྲོང་ཁྱེར་གྱིས་ལས་མགོ་བསྐྱར་ཚུགས་དང་ཐོན་སྐྱེད་སླར་གསོའི་གོམ་སྟབས་ཇེ་མགྱོགས་སུ་བཏང་།
ལྷ་ས་གྲོང་ཁྱེར་སྟག་རྩེ་བཟོ་ལས་གླིང་དུ་གནས་པའི་སྲོལ་རྒྱུན་གྱི་བོད་སྤོས་རིག་གནས་རྒྱུན་འཛིན་ལ་གཞོལ་བའི་བོད་ལྗོངས་གཡུ་དགེ་ཚང་བཟོ་ཚོང་ཚད་ཡོད་ཀུང་སིས་མིག་སྔར་རྒྱུ་ཆ་མཁོ་འདོན་ཚོང་བ་དང་རང་འགུལ་ངང་འབྲེལ་གཏུག་ཧུར་ཐག་བྱས་ཏེ། ཐོན་སྐྱེད་ལྷུ་ཚིགས་ལ་དམ་འཛིན་བྱས་ནས་ནུས་ཤུགས་ཡོད་རྒུས་ཁྲོམ་རའི་མཁོ་སྤྲོད་འགན་ལེན་དང་མང་ཚོགས་ཀྱི་དགོས་མཁོ་སྐོང་བཞིན་ཡོད། ཀུང་སི་དེར་ལྷ་ས་གྲོང་ཁུལ་དུ་ཡོད་པའི་ཆེད་ཚོང་ཁང4ཡི་ཚོང་གཉེར་སླར་གསོ་བྱས། །