འདི་ནི་ལྷ་ས་ཁ་བ་ཅན་ལག་ཤེས་བོད་རུམ་ཀུང་སིའི་ལས་མིས་བོད་རུམ་འཐག་བཞིན་པ།
ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོ་འགའི་རིང་། བོད་ལྗོངས་ཀྱིས་བོད་རུམ་སྣེ་འདྲེན་ཁེ་ལས་སྐྱེད་སྲིང་དང་དེར་རོགས་སྐྱོར་བྱེད་ཤུགས་ཆེ་རུ་བཏང་ནས་ཉེ་འཁོར་མང་ཚོགས་སྒོ་རྩར་ལས་ཞུགས་ཐུབ་རྒྱུར་ཁྱབ་འགྱེད་སྐུལ་ཁྲིད་བྱས་པས། རྒྱ་ཆེའི་རོང་འབྲོག་པ་རྣམས་ལ་འབབ་འཕར་ཕྱུག་འགྱུར་གྱི་ལམ་བུ་འཚོལ་ཞིབ་ཐུབ་ཡོད་ལ། བོད་ལྗོངས་ཀྱི་བོད་རུམ་ཐོན་ལས་འཕེལ་རྒྱས་མགྱོགས་མྱུར་ཕྱིན་ནས་ཐོན་སྐྱེད་གཞི་ཁྱོན་ཆེ་རུ་དང་ཐོན་སྐྱེད་ཆ་རྐྱེན་ཇེ་ལེགས་སུ་ཕྱིན་པ་མ་ཟད། ཐོན་སྐྱེད་ལག་རྩལ་དང་ཕན་འབྲས་ཀྱང་ཆེ་རུ་ཕྱིན་ནས་གནའ་བོའི་བཟོ་རྩལ་གྱི་ཐོན་རྫས་ཡིན་པའི་བོད་རུམ་རིམ་བཞིན་ཐོན་ལས་ཅན་གྱི་འཕེལ་རྒྱས་ཀྱི་འགྲོ་ལམ་དུ་སྐྱོད་ཐུབ་པ་རེད། །