ཀྲུང་གོ་བོད་ཀྱི་དྲ་བའི་འཕྲིན། བོད་རང་སྐྱོང་ལྗོངས་ནག་ཆུ་གྲོང་ཁྱེར་ལྷ་རི་རྫོང་ཉི་འོད་ཤང་འགྲམ་རྒྱུད་ཀྱི་ཁམ་བུའི་མེ་ཏོག་རིམ་བཞིན་བཞད་པས། མེ་ཏོག་གི་འདབ་མ་རེ་རེ་ནི་མཚམས་སྤྲིན་སར་ལྷུང་པ་དང་འདྲ། བོད་གྲོང་དང་ཁམ་བུའི་མེ་ཏོག་གཅིག་གིས་གཅིག་བརྒྱན་ནས་ཡུལ་ལྗོངས་ལྟ་ན་སྡུག་པ་ཞིག་རེད། ཉེ་བའི་ལོ་ཤས་རིང་། ལྷ་རི་རྫོང་གིས་རང་བྱུང་ཐོན་ཁུངས་ལེགས་ཆར་བརྟེན་ནས་ཤུགས་ཆེན་པོས་ཁྱད་ལྡན་ཡུལ་སྐོར་ལས་རིགས་འཕེལ་རྒྱས་སུ་བཏང་བས། གྲོང་གསེབ་འཛུགས་སྐྲུན་དང་རང་བྱུང་སྐྱེ་ཁམས་ཁོར་ཡུག་ནུས་ལྡན་ངང་མཉམ་འདྲེས་བྱས་པ་མ་ཟད། གྲོང་གསེབ་ཕྱོགས་ཡོངས་ནས་དར་སྤེལ་བྱུང་ནས་གྲོང་མི་ཚོས་རང་གི་སྒོ་འགྲམ་ནས་ལས་ཞུགས་ལས་གཏོད་དང་འབབ་འཕར་ཕྱུག་འགྱུར་ཡོང་བར་སྣེ་ཁྲིད་བྱས། །