སེམས་ཀྱི་ཉི་ཟླ་གྲོང་ཁྱེར་གྱི་འཚོ་སྡོད་ཁོར་ཡུག་ཇེ་ལེགས་སུ་ཕྱིན་པ།

2.jpg

3.jpg

4.jpg

5.jpg

6.jpg

པར་འདི་དག་ནི་སེམས་ཀྱི་ཉི་ཟླ་གྲོང་ཁྱེར་གྱི་འཚོ་སྡོད་ཁོར་ཡུག་རེད།

ཀྲུང་གོ་བོད་ཀྱི་དྲ་བའི་འཕྲིན། “ལོ་ལྔའི་འཆར་གཞི་བཅུ་གསུམ་པའི”རིང་སེམས་ཀྱི་ཉི་ཟླ་གྲོང་ཁྱེར་གྱིས་སྔ་རྗེས་སུ་གྲོང་ཁྱེར་འཛུགས་སྐྲུན་གྱི་འགྲོ་ལམ་དང་སྐྱེད་ཚལ་སྔོ་སྒྱུར་སོགས་གྲོང་ཁྱེར་འཛུགས་སྐྲུན་གྱི་གཙོ་གནད་ལས་གཞི་ལག་བསྟར་བྱས་ནས། གྲོང་ཁྱེར་གྱི་ནུས་བ་ཟམ་མི་ཆད་པར་འཐུས་ཚང་དུ་བཏང་བ་དང་གྲོང་ཁྱེར་གྱི་ཁྱད་ཆོས་ཟབ་ཏུ་བཏང་བས་མང་ཚོགས་ཀྱི་ཐོབ་ཚོར་དང་བདེ་སྐྱིད་ཚོར་བ་སྔར་བས་ཆེ་རུ་ཕྱིན་ཡོད།

གྲོང་ཁུལ་གསར་རྙིང་འབྲེལ་མཐུད་བྱེད་པའི་ཤམ་བྷ་ལ་སྤྱི་གླིང་གིས་བོད་བཟོའི་ཁྱད་ཆོས་གཙོ་བོར་བྱས་ནས་སྐྱེ་ཁམས་དང་། རིག་གནས། གསོན་ཤུགས་བཅས་གཞི་རྒྱུ་ཆེན་པོ་གསུམ་ལ་དམིགས་ཏེ་ཐང་ཆེན་ཆེན་པོ་གསུམ་དང་། རོལ་རྩེད་ཁང་། ལན་ཆིའུ་སྤོ་ལོ་ཐང་། རྐང་རྩེད་སྤོ་ལོའི་ཐང་སོགས་རོལ་རྩེད་དང་ལུས་སྦྱོང་སྒྲིག་ཆས་འཛོམས་པར་བྱས་ནས། མི་རྣམས་ཀྱིས་འདི་ནས་ངལ་གསོ་བ་དང་། ལུས་ཕུང་སྦྱོང་བརྡར། རོལ་རྩེད་སོགས་བྱས་ཏེ་གྲོང་ཁྱེར་འཕེལ་རྒྱས་བྱུང་བ་ལས་བྱུང་བའི་འགྱུར་ལྡོག་ལ་རོལ་བཞིན་ཡོད།

“ལོ་ལྔའི་འཆར་གཞི་བཅུ་གསུམ་པའི”རིང་སེམས་ཀྱི་ཉི་ཟླ་གྲོང་ཁྱེར་གྱིས་གྲོང་ཁྱེར་གྱི་རྣམ་གྲངས་གལ་ཆེན20འཛུགས་སྐྲུན་བྱེད་མགོ་བཙུགས་ནས་མ་དངུལ་སྒོར་དུང་ཕྱུར་107.9བཏང་བ་རེད། གྲོང་ཁྱེར་གྱི་གཞུང་ལམ་ཐད་མཁའ་འགྲོ་ལམ་ཆེན་དང་མགྲོན་བསུ་ལམ་ཆེན་སོགས་ལམ་དྲའི་ལས་གྲྭ6གསར་སྐྲུན་བྱས་པ་དེའི་སྤྱིའི་རིང་ཚད་སྤྱི་ལེ23ཙམ་ཟིན་པ་དང་། སྔ་རྗེས་སུ་གཞུང་ལམ་སྒྱུར་བཀོད་ལས་གྲྭ13ལག་བསྟར་བྱས་པ་དང་སྤྱིའི་རིང་ཚད་སྤྱི་ལེ་5.6ཙམ་ཟིན་པ་རེད།

མིག་སྔར་གཞུང་ལམ་ཚང་མ་ལས་མཇུག་འགྲིལ་ནས་རླངས་འཁོར་ཤར་གཏོང་ཐུབ་པ་དང་། སྤྱི་གླིང་སྔོ་སྒྱུར་ཐད་མ་དངུལ་སྒོར་དུང་ཕྱུར4.3བཏང་ནས་ཀླུ་ཆུ་སྤྱི་གླིང་དང་ཤམ་བྷ་ལ་སྤྱི་གླིང་སོགས་སྤྱི་གླིང་ཐང་ཆེན11དང་དེ་བཞིན་གཞུང་ལམ20སྔོ་སྒྱུར་བྱས་པས་གྲོང་ཁྱེར་གྱི་མི་འཚོ་སྡོད་ཁོར་ཡུག་མངོན་གསལ་དོད་པོས་ལེགས་སུ་ཕྱིན་ཡོད། ཁོར་ཡུག་འཕྲོད་བསྟེན་ཐད་གཙང་སྦྲ་ཁྲོམ་ར་ཅན་དུ་འཁོར་སྐྱོད་བྱས་ནས་གཙང་སྦྲ་རྒྱ་ཁྱོན་སྨི་ངོས་གྲུ་ཁྲི350ཟིན་ཡོད་པ་བཅས་རེད།

ད་ལྟ་སེམས་ཀྱི་ཉི་ཟླ་གྲོང་ཁྱེར་གྱི་མ་ལམ་གཙོ་བོའི་ཐོག་བསྐྱོད་སྐབས་གཞོགས་གཉིས་ཀྱི་ལྗང་ཁུལ་གྱི་ལྗོན་ཤིང་སྔོ་ཐིང་ཐིང་དང་། ཀླུ་ཆུ་དང་ནག་ཆུའི་ངོགས་སུ་སྔོ་ལྗང་ལྗོན་ཤིང་གིས་ཁེངས་པ། མཛེས་པའི་མེ་ཏོག་གང་སར་ཁྱབ་པ་སོགས་མི་རྣམས་ཀྱིས་ལྗང་མདོག་གི་འཚོ་བ་དང་མཁའ་རླུང་གཙང་མ་རྔུབ་པའི་གདམ་ག་ཡག་ཤོས་ཤིག་ཏུ་གྱུར་ཡོད། །

རྩོམ་སྒྲིག་པ། ལྷ་སྒྲོན་མཚོ།

དཔྱད་མཆན 0 ཡོད།