ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོ་འགའི་རིང་། བདེ་ཆེན་བོད་རིགས་རང་སྐྱོང་ཁུལ་གྱིས་ནན་ཏན་སྒོས་ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པ་ལག་བསྟར་དང་གནམ་སྔོན་པོ་སྲུང་བའི་དམག་འཐབ་ཡག་པོ་བརྒྱབ་པ་དང་། ལྟ་ཞིབ་ཚད་ལེན་གྲངས་གཞི་ལས་མངོན་པར་ལོ་ལྔའི་འཆར་གཞི་བཅུ་གསུམ་པའི་རིང་། ཁུལ་ཡོངས་སུ་གྲོང་ཁྱེར་གྱི་མཁའ་རླུང་གཙང་ཚད100%རྒྱུན་འཁྱོངས་བྱས་ཡོད་པ་དང་། མཁའ་རླུང་ཆེན་པོའི་ཁོར་ཡུག་གི་སྤུས་ཚད་རྒྱུན་མཐུན་ངང་ལེགས་སུ་ཕྱིན་པ་རེད།
ཉེ་བའི་ལོ་འགའི་རིང་། བདེ་ཆེན་ཁུལ་གྱིས་གནམ་སྔོན་པོ་སྲུང་བའི་དམག་འཐབ་མཐའ་གཅིག་ཏུ་ཡག་པོ་བརྒྱབ་པ་དང་། མཁའ་རླུང་ཆེན་པོའི་བཙོག་འགྱུར་འགོག་སེལ་བྱེད་པའི་བྱེད་ཐབས་ཁག་དོན་ཐོག་ཏུ་འཁྱོལ་བར་སྐུལ་འདེད་བཏང་། 《བདེ་ཆེན་བོད་རིགས་རང་སྐྱོང་ཁུལ་གྱི་གནམ་སྔོན་པོའི་ཆེད་དོན་བྱ་སྤྱོད་འཆར་གཞི》གཏན་འབེབས་བྱས་ཏེ། ཁུལ་ཡོངས་ཀྱི་མཁའ་རླུང་ཆེན་པོའི་བཙོག་འགྱུར་འགོག་སེལ་ལས་ཀའི་སྤྱིའི་བསམ་ཕྱོགས་དང་རྨང་གཞིའི་དམིགས་འབེན། འགན་འཁྲི་གཙོ་བོ་དང་འགན་ལེན་བྱེད་ཐབས་བཅས་ཁ་གསལ་བཟོ་བ་དང་། དུས་ཚོད་རེའུ་མིག་དང་ལམ་ཐིག་རི་མོ་བཏོན་པ། གཅིག་ནི་ཐོན་ལས་གྲུབ་ཆ་ལེགས་སྒྲིག་དང་ལེགས་སུ་གཏོང་བ་དང་ཐོན་ལས་ལྗང་མདོག་འཕེལ་རྒྱས་ལ་སྐུལ་འདེད་གཏོང་བ། གཉིས་ནི་ཧུར་ཐག་སྒོས་སྐྱེལ་འདྲེན་གྱི་གྲུབ་ཆ་ལེགས་སྒྲིག་བྱས་པ་དང་ལྗང་མདོག་གི་འགྲིམ་འགྲུལ་མ་ལག་འཕེལ་རྒྱས་གཏོང་བ། གསུམ་ནི་ས་སྤྱོད་གྲུབ་ཚུལ་ལེགས་སྒྲིག་དང་ལེགས་སུ་གཏོང་བ་དང་ཧུར་ཐག་སྒོས་ཤིང་འཛུགས་སྔོ་འགྱུར་བྱེད་སྒོ་སྤེལ་ཏེ་གྲོང་ཁྱེར་གྱི་སྔོན་ལྗང་ཅན་དུ་འགྱུར་ཚད་མཐོ་རུ་བཏང་ཡོད།
2020ལོའི་ལོ་མཇུག་བར། རང་ཁུལ་གྱིས་གནམ་སྔོན་པོ་སྲུང་བའི་དམག་འཐབ་ཀྱི་ལོ་གསུམ་གྱི་བྱ་སྤྱོད་འཆར་གཞིའི་དུས་མཇུག་གི་དམིགས་འབེན་མངོན་འགྱུར་བྱུང་ཡོད་དེ། ཁུལ་ཡོངས་ཀྱི་མཁའ་རླུང་སྤུས་ཚད་ཀྱི་གནས་ཚུལ་ལེགས་པོ་རྒྱུན་མཁྱོངས་བྱས་ཡོད་པ་མ་ཟད། ནུས་ལྡན་སྒོས་ཐོན་ལས་དང་ཐོན་ཁུངས་བེད་སྤྱོད། འགྲིམ་འགྲུལ་སྐྱེལ་འདྲེན་སོགས་གཙོ་གནད་ཁྱབ་ཁོངས་ཀྱི་གྲུབ་ཚུལ་ལེགས་སུ་གཏོང་བར་སྐུལ་འདེད་བཏང་ཡོད་པ་དང་འབྲེལ་མཁའ་རླུང་ཆེན་པོའི་བཙོག་འགྱུར་འགོག་སེལ་གྱི་ནང་རྐྱེན་གསར་པ་རིམ་བཞིན་ཆགས་པ་རེད།
ལོ་ལྔའི་འཆར་གཞི་བཅུ་བཞི་པའི་སྐབས་སུ། བདེ་ཆེན་ཁུལ་གྱིས་ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པ་མཛུབ་སྟོན་དུ་བྱས་པ་དང་། གནམ་སྔོན་པོ་དང་ཆུ་དྭངས་པོ། མཁའ་རླུང་གཙང་མ་དམིགས་འབེན་དུ་བཟུང་ནས《མཁའ་རླུང་བཙོག་འགྱུར་འགོག་སེལ་འཆར་འགོད》ཡག་པོ་བཟོ་རྒྱུ་དང་། མཁའ་རླུང་ཆེན་པོའི་བཙོག་འགྱུར་གྱི་འབྱུང་ཁུངས་དོ་དམ་བྱེད་ཤུགས་ཆེར་གཏོང་བ་དང་ཁོར་ཡུག་ཁྲིམས་འཛིན་བྱེད་ཤུགས་ཆེར་གཏོང་བ། དྲིལ་བསྒྲགས་སློབ་གསོ་བྱེད་ཤུགས་ཆེར་གཏོང་བ་བཅས་བྱ་རྒྱུ་དང་། སྔར་ལས་ལྷག་པའི་སྒོ་ནས་ཁོར་ཡུག་གི་མཁའ་རླུང་སྤུས་ཚད་དོ་དམ་ཚོད་འཛིན་བྱེད་ཤུགས་ཆེར་གཏོང་རྒྱུ་སྟེ་ཆེས་གཟབ་ནན་གྱི་བྱེད་ཐབས་དང་གཅིག་གྱུར་འཆར་འགོད། བརྒྱུད་རིམ་ལྡན་པའི་ཇུས་འགོད། གནད་འཁེལ་ཇུས་འདོན། འགག་སྒྲོལ་དཀའ་སེལ་བཅས་བརྒྱུད་རྒྱུན་མཐུད་དུ་གནམ་སྔོན་པོའི་བྱ་སྤྱོད་ལ་སྐུལ་འདེད་བཏང་ནས་མི་དམངས་མང་ཚོགས་ཀྱི་བདེ་སྐྱིད་ཀྱི་ཚོར་སེམས་ཆེ་རུ་གཏོང་རྒྱུ་ཡིན་པ་རེད། །