ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར་བདེ་ཆེན་རྫོང་ཐད་གཏོགས་སྡེ་ཚན་དག་གིས2020ལོའི་འོས་འགན་སྡོང་འཛུགས་ནགས་བསྐྲུན་གྱི་བྱ་འགུལ་སྤེལ་ནས་རྫོང་མཁར་ཉེ་འགྲམ་གྱི་རི་གཡང་ཁ་གྲོང་མིའི་ཚོགས་ཆུང་ངོས་ཀྱི་རི་ཁུལ་དུ་ཐང་ཤིང་སྡོང་རྐང11000ལྷག་ཙམ་བཙུགས་པ་རེད། བདེ་ཆེན་རྫོང་ནགས་རྩྭ་ཅུའུ་ཡིས་སྡེ་ཚན་སོ་སོའི་མི་གྲངས་བཞིན་ལྗང་བསྒྱུར་ཁུལ་བགོས་ནས་སྡེ་ཚན90ལྷག་སྡོང་འཛུགས་ནགས་བསྐྲུན་གྱི་ལས་ཀའི་ནང་ཞུགས་ཏེ། ལ་ལས་འཇོར་གྱིས་ས་དོང་སློག་པ་དང་། ལ་ལས་སྡོང་ཕྲུག་དབོར་འདྲེན་བྱེད་པ། ལ་ལས་ཆུ་ལྡུག་པ་བཅས་བྱས་ནས་ཡུལ་དངོས་སུ་ཚ་ཚ་འུར་འུར་གྱི་རྣམ་པ་ཞིག་བསྐྲུན་ཡོད། །