ཡུན་ནན་གྱིས་ལ་ཧྲི་མཚོའི་འདམ་རའི་སྤྱི་གླིང་སོགསAརིམ་པའི་ཡུལ་སྐོར་མཛེས་ལྗོངས་ཁུལ་8ཀྱི་ཐོབ་ཐང་མེད་པར་བཟོས་པ།

ཀྲུང་གོ་བོད་ཀྱི་དྲ་བའི་འཕྲིན། ཡུན་ནན་ཞིང་ཆེན་ཡོངས་སུ་ཟླ7པ་ནས་བཟུང་ཡུལ་སྐོར་དང་འབྲེལ་བ་ཡོད་པའི་གྱོད་གཞི་བསྡོམས456ཞིབ་བཤེར་ཐག་གཅོད་བྱས་པ་དང་སྲིད་འཛིན་ཆད་པ་སྒོར་ཁྲི529.39བཅད་ཅིང་། ལ་ཧྲི་མཚོ་དང་ནགས་ཕག་མཚོ་སོགསAརིམ་པའི་ཡུལ་སྐོར་མཛེས་ལྗོངས་ཁུལ8ཀྱི་ཐོབ་ཐང་མེད་པར་བཟོས་པ་རེད།

      《ཡུན་ནན་ཞིང་ཆེན་ཡུལ་སྐོར་ཁྲོམ་རའི་སྒྲིག་ལམ་བཅོས་སྒྲིག་ལས་ཀའི་བྱ་ཐབས》ཟླ4བའི་ཚེས15ཉིན་ལག་བསྟར་བྱས་པ་ནས་བཟུང་། ཡུན་ནན་ཞིང་ཆེན་གྱི་ཡུལ་སྐོར་ཁྲོམ་རའི་སྒྲིག་ལམ་བཅོས་སྒྲིག་ལས་དོན་འགོ་ཁྲིད་ཚོགས་ཆུང་གིས་ཡུལ་སྐོར་ཁྲོམ་ར་བཅོས་སྒྲིག་བྱེད་པའི་གཙོ་གནད་ལ་དམིགས་ཏེ་རིགས་ཁག་གི་ཁྲིམས་འགལ་སྒྲིག་འགལ་གྱི་བྱེད་སྤྱོད་ལ་རྡུང་རྡེག་ནན་པོ་བཏང་བ་དང་སྟོབས་ཤུགས་སྒྲིག་འཛུགས་བྱས་ཏེ་ཡུལ་སྐོར་དང་འབྲེལ་བ་ཡོད་པའི་གྱོད་གཞི་གལ་ཆེན་ཁག་གཅིག་བརྟག་དཔྱད་སྒྲུབ་གཉེར་བྱས་ནས་ཡུན་ནན་ཞིང་ཆེན་གྱི་ཡུལ་སྐོར་མཛེས་ལྗོངས་ཁུལ་འགའ་ཞིག་ལ་ལྐོག་ཞིབ་དང་བསྐྱར་ཞིབ་བྱས་ཏེ་ཡུལ་སྐོར་ཁྲོམ་རའི་སྒྲིག་ལམ་བཅོས་སྒྲིག་བྱེད་པའི་དམ་བསྒྲགས་རྣམ་པ་མུ་མཐུད་རྒྱུན་འཁྱོངས་བྱས་པ་རེད། ཟླ7པ་ཁོ་ནར་ཡུན་ནན་ཞིང་ཆེན་གྱིས་ཡུལ་སྐོར་དང་འབྲེལ་བ་ཡོད་པའི་གྱོད་གཞི་ཁག456ཞིབ་བཤེར་ཐག་གཅོད་བྱས་པ་དང་། སྲིད་འཛིན་ཆད་པ་སྒོར་ཁྲི529.39བཅད་པ། ཡུལ་སྐོར་ལས་དོན་ཁང12ཀྱི་ཚོང་གཉེར་ཆོག་འཐུས་མེད་པར་བཟོས་པ། མི7ཉེས་དོན་བཀག་ཉར་བྱས་པ། མི28སྲིད་འཛིན་བཀག་ཉར་བཅས་བྱས་པ་རེད།

 ཟླ8པའི་ཟླ་སྨད་དུ་ཡུན་ནན་ཞིང་ཆེན་ཡུལ་སྐོར་མཛེས་ལྗོངས་ཁུལ་གྱི་སྤུས་ཚད་རིམ་པ་ཞིབ་དཔྱད་གཏན་འཁེལ་ཨུ་ལྷན་གྱིས་གཅིག་སྡུད་ཐོག་ཀྲོའུ་དང་གྲོང་ཁྱེར་6གྱི་མཛེས་ལྗོངས་ཁུལ21ལ་ལྐོག་ཞིབ་ཀྱི་བྱེད་ཐབས་སྤྱད་ནས་གཙོ་གནད་ཐོག་མཛེས་ལྗོངས་ཁུལ་གྱི་ཡུལ་སྐོར་བདེ་འཇགས་དང་། ཁོར་ཡུག་འཕྲོད་བསྟེན། སྒྲིག་ལམ་དོ་དམ། སྒྲིག་བཀོད་སྲུང་སྐྱོང་། ཞབས་ཞུའི་སྤུས་ཀ་སོགས་ཚད་ལོན་མིན་དང་ནུས་ལྡན་ཡིན་མིན་ལ་ཞིབ་བཤེར་བྱས་པ་རེད། ལྐོག་ཞིབ་བསྐྱར་ཞིབ་དང་ཞིབ་བཤེར་བྱས་པའི་མཛེས་ལྗོངས་ཁུལ19ཐག་གཅོད་བྱས་པའི་ནངAརིམ་པའི་ཡུལ་སྐོར་མཛེས་ལྗོངས་ཁུལ་8ཀྱི་ཐོབ་ཐང་མེད་པར་བཟོས་པ་དང་། མཛེས་ལྗོངས་ཁུལ7ལ་ཐ་ཚིག་ནན་པོ་བསྒྲགས་པའམ་ཡང་ན་ཐ་ཚིག་བསྒྲགས་པ། མཛེས་ལྗོངས་ཁུལ4ལ་དུས་བཀག་ནང་དག་ཐེར་བྱེད་དགོས་པའི་བཀའ་བཏང་བ་རེད།

ཁུན་མིང་ལུའོ་སི་གྲུ་ཁའི་རྒྱལ་སྤྱིའི་ཚོང་དོན་གྲོང་གི་མཛེས་ལྗོངས་ཁུལ་དང་ཏེ་ཧུང་རུའེ་ལི་མོ་ལི་ཆར་ཆུ་མང་བའི་ཚ་ཁུལ་ནགས་ཚལ་གྱི་མཛེས་ལྗོངས་ཁུལ་གྱིA4རིམ་པའི་ཡུལ་སྐོར་མཛེས་ལྗོངས་ཁུལ་གྱི་ཐོབ་ཐང་མེད་པར་བཟོས་པ་དང་། ཡུན་ནན་ཞིང་ཆེན་ཙི་ཡུན་ཆིང་ཉའོ་རྒྱལ་སྤྱིའི་རིན་ཆེན་ནོར་བུའི་རིག་གནས་ཡུལ་སྐོར་ཁུལ། ཤིས་ཧྲོང་པན་ན་ཏ་ལུའོ་ཏུའུ་ཧྲུའུ་ཁྲེང་ལིན་མཛེས་ལྗོངས་ཁུལ། ཏེ་ཧུང་དབྱང་གི་བཟོ་ལྟ་ལེགས་པའི་གཡང་ཊིའི་རིག་གནས་ཐོན་ལས་གླིང་། ཏེ་ཧུང་མང་གྲོང་ཁྱེར་གྱི་ནོར་བུའི་གྲོང་རྡལ་ཆུང་ངུ་། ས་དམ་ལ་ཧྲི་མཚོའི་འདམ་རའི་སྤྱི་གླིང་མཛེས་ལྗོངས་ཁུལ། བདེ་ཆེན་ནགས་ཕག་མཚོའི་མཛེས་ལྗོངས་ཁུལ་བཅས་ཀྱིA3རིམ་པའི་ཡུལ་སྐོར་མཛེས་ལྗོངས་ཁུལ་གྱི་ཐོབ་ཐང་མེད་པར་བཟོས་པ་རེད།  །

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།