ཀྲུང་གོ་བོད་ཀྱི་དྲ་བའི་འཕྲིན། ཟླ2པའི་ཚེས6ཉིན། གསར་འགོད་པས་མཚོ་སྔོན་ཞིང་ཆེན་སྤྱི་ཁྱབ་བཟོ་ཚོགས་ནས་ཤེས་གསལ་ལྟར་ན། ཉེ་ཆར། ཞིང་ཆེན་སྤྱི་ཁྱབ་བཟོ་ཚོགས་དང་ཞིང་ཆེན་ཏང་ཨུ་དྲིལ་བསྒྲགས་པུའུ། ཞིང་ཆེན་དཔལ་ཡོན་གཞུང་ལས་ཁང་། ཞིང་ཆེན་བཟོ་ལས་དང་ཆ་འཕྲིན་ཅན་ཐིང་། ཞིང་ཆེན་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ཡོན་ལྷན་ཁང་། ཞིང་ཆེན་ཚོང་དོན་ཐིང་བཅས་ཀྱིས་མཉམ་འབྲེལ་སྒོས་སྤེལ་བའི2020ལོ་ནས2021ལོའི་བར་གྱི་མཚོ་སྔོན་ཞིང་ཆེན་གྱི་ལས་བཟོའི་ལས་རིགས་ཀུན་སྤྱོད་དཔྱད་འདེམས་གཟེངས་བསྟོད་འབྲས་བུ་དངོས་སུ་ཁྱབ་བསྒྲགས་བྱས། ལས་ཁུངས10ལ2020ལོ་ནས2021ལོའི་བར་གྱི་མཚོ་སྔོན་ཞིང་ཆེན་གྱི་ལས་བཟོའི་ལས་རིགས་ཀུན་སྤྱོད་འཛུགས་སྐྱོང་གི“རྩེ་གྲས་བཅུའི”ལས་ཁུངས་ཀྱི་མཚན་སྙན་སྤྲད་པ་དང་། བློ་མཐུན10ལ2020ལོ་ནས2021ལོའི་བར་གྱི་མཚོ་སྔོན་ཞིང་ཆེན་གྱི་ལས་བཟོའི་ལས་རིགས་ཀུན་སྤྱོད་འཛུགས་སྐྱོང་གི“དཔེ་བཟང་བཅུའི”མཚན་སྙན་སྤྲད། གཟེངས་བསྟོད་ཐོབ་པའི་ལས་ཁུངས་དང་མི་སྒེར་ནི་སློབ་གྲྭ་དང་སྨན་བཅོས་འཕྲོད་བསྟེན། འགྲིམ་འགྲུལ། ཁྲལ་དོན། སྦྲག་སྲིད། ལས་གཞའི་ཨར་ལས། མྱུར་སྐྱེལ། སྤྱི་བདེ། ཞིང་ཕྱུགས། གློག་ནུས། གློག་འཕྲིན། ནགས་ལས་སོགས་ལས་རིགས10ལྷག་ཙམ་ཡིན་པ་དང་། ལས་རིགས་སོ་སོ་ནས་ཐོན་པའི་ལས་གནས་ལ་གཅེས་པ་དང་ལས་གནས་ལ་བརྩོན་པའི་སྔོན་ཐོན་དཔེ་བཟང་ཅན་དག་དག་རེད།
ཞིང་ཆེན་ཡོངས་ཀྱི་རིམ་པ་སོ་སོའི་བཟོ་ཚོགས་རྩ་འཛུགས་ཀྱིས་མུ་མཐུད་དུ་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་སློབ་སྦྱོང་དང་དྲིལ་སྒྲོག དོན་འཁྱོལ་བཅས་བྱ་རྒྱུ་དེ་ཆབ་སྲིད་ཀྱི་ལས་འགན་ཨང་དང་པོར་བརྩིས་ནས། ལས་བཟོ་པའི་བསམ་བློ་དང་ཆབ་སྲིད་ཀྱི་ཁྲིད་སྟོན་བྱེད་ཤུགས་ཆེ་རུ་གཏོང་བ་དང་། ལས་བཟོ་པའི་ལས་རིགས་ཀྱི་ཀུན་སྤྱོད་ལེགས་སྐྱོང་བྱེད་པར་རྒྱུན་མཐུད་ངང་སྐུལ་འདེད་གཏོང་བ། ངལ་རྩོལ་དཔེ་བཟང་ཅན་གྱི་སྙིང་སྟོབས་དང་། ངལ་རྩོལ་གྱི་སྙིང་སྟོབས། ལག་ཤེས་པའི་སྙིང་སྟོབས་བཅས་དར་སྤེལ་དུ་ཆེན་བཏང་ནས། རྒྱ་ཆེའི་ལས་བཟོ་པས་རང་རྟོགས་ཀྱི་སྒོ་ནས་བསམ་བློ་དང་བྱ་སྤྱོད་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་སྟེང་གཅིག་གྱུར་ཡོང་བར་ཁྲིད་སྟོན་བྱས། །