ཡུས་ཧྲུའུ་བོད་རིགས་རང་སྐྱོང་ཁུལ་མི་རིགས་མཐུན་སྒྲིལ་ཡར་སྔོན་དཔེ་སྟོན་རྫོང་སྟེ་འབྲི་སྟོད་རྫོང་དུ། ཤང་གྲོང་ཁག་གི་འཐུས་མི་སོ་སོ་མི་རིགས་འཐུན་སྒྲིལ་དྲིལ་སྒྲོག་གཟའ་འཁོར་ནང་ཞུགས་པ།
མི་རིགས་མཐུན་སྒྲིལ་གྱི་ས་བོན་མཐོ་སྒང་གི་བྱིས་པ་རྣམས་ཀྱི་སེམས་སུ་བཏབ་ཡོད།
ཤང་སྡེའི་ནུས་རྩལ་གསོ་སྦྱོང་།
མཉམ་ལས་ཁང་ནས་ཐོན་པའི་ཆང་བ་ལིའི་ཁུ་བའི་འཐུང་རྫས་དེ་ནང་ལོགས་སུ་བྲིན་པས་སྡེ་མིའི་གདོང་ལ་དགའ་བའི་འཛུམ་གྱིས་ཁེངས།
ཀྲུང་གོ་བོད་ཀྱི་དྲ་བའི་འཕྲིན། མཚོ་སྔོན་དུས་ཚིགས་བཞི་ལ་དེ་བསྟུན་གྱི་མཛེས་པ་སྣ་ཚོགས་རེ་ཡོད། རྒྱལ་སྟོན་སྔ་གཞུག་གི་སྟོན་དུས་འདིར། དེ་ལས་ངོ་མཚར་བའི་མཛེས་སྡུག་ཅིག་མངོན་ཡོད།
འབྲོག་ཁུལ་གྱི་རྩྭ་ཐང་ལ་ཁ་བས་གཡོགས་པ་དང་། ཞིང་སྡེའི་རི་ཐང་ལ་ཁ་དོག་རྣམ་པར་བཀྲ་ཞིང་། གྲོང་ཁྱེར་གྱི་གཞིས་ཁུལ་དུ་གསེར་མདོག་གི་ལོ་མས་ཁེངས་པ་སོགས་ཕུན་སུམ་ཚོགས་པའི་ཚོན་མདོག་སྣ་ཚོགས་ཀྱིས་མཛེས་ཤིང་ཡིད་དུ་འོང་བའི་རི་མོ་ཞིག་གྲུབ་ཡོད་ལ། དེ་ནི་ས་གཞིའི་འདིའི་སྟེང་གི་མི་རིགས་སོ་སོས་ཕན་ཚུན་བརྗེ་རེས་མཉམ་འདྲེས་དང་ལྟ་སྐྱོང་རོགས་རེས་བྱེད་པ་ཇི་བཞིན། ཐུན་མོང་ངང་མཐུན་སྒྲིལ་ཡར་ཐོན་དང་ཡར་རྒྱས་གོང་འཕེལ་གྱི་ལེའུ་ཤིག་བརྩམས་ཡོད།
རྒྱལ་སྟོན་གུང་གསེང་སྐབས་སུ། གསར་འགོད་པ་གྲོང་ཁྱེར་དང་ཞིང་སྡེ། འབྲོག་ཁུལ་བཅས་སུ་བསྐྱོད་དེ། མཚོ་སྔོན་མཐོ་སྒང་གི་རིགས་སོ་སོའི་མི་དམངས་ཀྱིས་ཕན་ཚུན་ལ་སྤུན་ཟླའི་བརྩེ་བ་བཅངས་ནས་དཔུང་གཤིབ་མཉམ་སྐྲུན་དང་། ཐུན་མོང་ངང་བདེ་སྐྱིད་དང་མཛེས་སྡུག་གི་ཁྱིམ་གཞིས་བསྐྲུན་ཏེ། འདྲ་མཉམ་དང་མཐུན་སྒྲིལ། རོགས་རེས། འཆམ་མཐུན་གྱི་རྣམ་པས་ཏང་གི་ཚོགས་ཆེན་ཉི་ཤུ་བ་བསུ་བའི་གསོན་ཉམས་ལྡན་ཞིང་ཡིད་སེམས་འགུལ་བའི་ལག་ལེན་དང་གཏམ་རྒྱུད་རེ་རེ་སྨྱུ་གུ་དང་པར་མིག་ལས་མངོན་པར་མཚོན་ཡོད།
རྫོགས་ལྡན་གྱི་དུས་ཚིགས་འདིར། ང་ཚོས་ལང་ཚོའི་མཛེས་པ་ངོམ་བཞིན། མཉམ་དུ་མཛེས་སྡུག་གི་དུས་སྐབས་ཤིག་བསུ་ཆོག །