ཀྲུང་གོ་བོད་ཀྱི་དྲ་བའི་འཕྲིན། ཀྲུང་དབྱང་དང་ཞིང་ཆེན་ཏང་ཨུའི་ཡིག་ཆ་ཨང་དང་པོའི་དགོངས་དོན་ཤེས་རྟོགས་བྱུང་ཚད་ཇེ་མཐོ་རུ་བཏང་སྟེ། ཏང་གི་ཞིང་དར་ཞིང་ཕན་ཞིང་ཕྱུག་གི་སྲིད་ཇུས་དེ་འབྲོག་ཁུལ་དུ་གཏིང་ཟབ་སྒོས་སྐུལ་འདེད་བཏང་ནས། དབུལ་ཐར་འགག་སྒྲོལ་གྱི་གྲུབ་འབྲས་སྔར་ལས་སྲ་བརྟན་དང་རྒྱ་བསྐྱེད་དུ་གཏོང་བ་དང་། གྲོང་གསེབ་དར་སྤེལ་གཏོང་བའི་འཐབ་ཇུས་བརྟན་འཇགས་ངང་ལག་བསྟར་བྱེད་པར་སྐུལ་འདེད་གཏོང་ཆེད། ཟླ3པ་ནས་བཟུང་མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་དྭངས་ལག་ཡུལ་ཚོ་ཡིས་རྟ་ཐོག་སྒྲོག་འགྲེལ་རུ་ཁག་དང་སྦག་སྦག་སྒྲོག་འགྲེལ་རུ་ཁག་ཧུར་ཐག་གིས་སྒྲིག་འཛུགས་བྱས་ཏེ། ཡིག་ཆ་ཨང་དང་པོའི་དགོངས་དོན་དེ་ཁྱིམ་ཚང་རེ་རེར་ཤེས་རྟོགས་བྱུང་དུ་བཅུག །