ཐེན་ཅིན་གྱི་སྨན་པས་ས་གནས་སྨན་པ་དག་ལ་གསོ་སྦྱོང་བྱེད་བཞིན་པ།
ཕྱོགས་གཉིས་ཀྱི་སྨན་པས་ནད་དཔེ་ལ་གྲོས་བསྡུར་བྱེད་བཞིན་ཡོད་པ།
ཐེན་ཅིན་གྱི་སྨན་པས་སྨན་བཅོས་ཉམས་མྱོང་བཤད་བཞིན་པ།
ཀྲུང་གོ་བོད་ཀྱི་དྲ་བའི་འཕྲིན། 2018ལོ་ནས་བཟུང་ཐེན་ཅིན་གྲོང་ཁྱེར་གྱི་སྨན་ཁང10ཡིས་ཀན་ལྷོ་བོད་རིགས་རང་སྐྱོང་ཁུལ་མི་དམངས་སྨན་ཁང་ལ་རོགས་སྐྱོར་བྱེད་འགོ་ཚུགས་པ་དང་། ཆེད་མཁས་སྨན་པ་དག་གིས་ཚན་ཁག་ནང་ནས་སློབ་ཁྲིད་བྱེད་པ་དང་། ཞིབ་བཤེར་དཔེ་སྟོན། གཤགས་བཅོས་སློབ་སྟོན་སོགས་ཀྱི་བྱེད་ཐབས་སྣ་ཚོགས་བརྒྱུད་དེ་ས་གནས་ཀྱི་སྨན་པ་དག་ལ་ནད་ཐོག་སྨན་བཅོས་ཉམས་མྱོང་དང་ཆེད་ལས་ལག་རྩལ་ཁྲིད་སྟོན་བྱས། ཤར་ནུབ་རྒྱུད་དབུལ་སྐྱོར་རོགས་ལས་ལམ་ལུགས་འོག་ཏུ་སྔ་རྗེས་སུ་ཐེན་ཅིན་གྲོང་ཁྱེར་གྱིས་སྨན་བཅོས་ཆེད་མཁས་སྨན་པ99ཀན་ལྷོ་ཁུལ་མི་དམངས་སྨན་ཁང་དུ་ཁ་གཏད་རོགས་སྐྱོར་བྱེད་པར་མངགས་པ་རེད། །