ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ6པའི་ཚེས22ཉིན་གྱི་ཆུ་ཚོད4དང་སྐར་མ54སྟེང་། ཨ་ཧྥུ་ཀ་ནི་སི་ཐན་གྱི་ཤར་རྒྱུད་དུ་ས་ཡོམ་ཚད་རིམ6.2རྒྱབ་པ་དང་། ཡོམ་ཁུངས་ཀྱི་གཏིང་ཚད་ལ་སྟོང་སྨི30ཡོད། མིག་སྔར་ས་ཡོམ་ཁྲོད་མི1000ལྷག་རྐྱེན་ལམ་དུ་ཤོར་བ་དང་། མི1500ལྷག་ལ་རྨས་སྐྱོན་ཕོག་ཡོད། ས་གནས་དེ་གའི་འབྲེལ་ཡོད་མི་སྣས་རྐྱེན་ལམ་དུ་ཤོར་བའི་མི་གྲངས་ད་དུང་ཇེ་མང་དུ་འགྲོ་སྲིད་ཅེས་བསྟན།
ཨ་ཧྥུ་ཀ་ནི་སི་ཐན་དུ་བཅའ་སྡོད་བྱས་པའི་ཀྲུང་གོའི་གཞུང་ཚབ་ཁང་གིས་མིག་སྔའི་བར། ཀྲུང་གོའི་མི་སྣར་ཤི་རྨས་བྱུང་བ་དང་རྒྱུ་ནོར་ལ་གྱོང་གུན་ཕོག་པའི་སྐོར་གྱི་སྙན་ཞུ་འབྱོར་མེད་ཅེས་བསྟན།
ཨ་ཧྥུ་ཀ་ནི་སི་ཐན་གནས་སྐབས་སྲིད་གཞུང་གི་ལས་ཚབ་ཙུང་ལི་མུའུ་ཧན་མོ་ཏེ·ཧ་སང·ཨ་ཧུང་ཏེ་ཡིས་ཚེས22ཉིན་བྲེལ་མྱུར་ཚོགས་འདུ་བསྡུས་ཏེ། འབྲེལ་ཡོད་ལས་ཁུངས་མྱུར་དུ་ཡུལ་དངོས་སུ་སོང་ནས། ཐོན་ཁུངས་ཡོད་ཚད་བཀོལ་སྤྱོད་བྱས་ཏེ་ཚེ་སྲོག་སྐྱོབ་ཐབས་བྱེད་དགོས་པ་དང་། གནོད་ཐེབས་མང་ཚོགས་ལ་དགོས་ངེས་ཀྱི་རོགས་སྐྱོར་མཁོ་འདོན་བྱེད་དགོས་པའི་བླང་བྱ་བཏོན་ཡོད། །