ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ནེ་ཀྲི་རི་ཡཱའི་ཟུར་གསུམ་གླིང་མངའ་སྡེ་ནས་ཚེས་ཉེར་གཉིས་ཉིན་གྱི་དགོང་མོར་སྣུམ་འདྲུད་རླངས་འཁོར་ཞིག་འགས་གཏོར་བྱུང་སྟེ། མི་བཞི་རྐྱེན་ལམ་དུ་ཤོར་བ་དང་མི་བཅུ་གཅིག་ལ་རྨས་ཕོག་ཟེར།
ནེ་ཀྲི་རི་ཡཱའི་ཟུར་གསུམ་གླིང་མངའ་སྡེས་ཚེས་ཉེར་གསུམ་ཉིན་སྤེལ་བའི་སྤྱི་སྒྲོག་ལྟར་ན། སྣུམ་འདྲུད་རླངས་འཁོར་ཞིག་ཚེས་ཉེར་གཉིས་ཉིན་གྱི་དགོང་མོར་མངའ་སྡེ་དེའི་ཨ་པའོ་ཨར་ས་ཁུལ་གྱི་སྣུམ་སྣོན་ས་ཚིགས་ཤིག་ནས་གློ་བུར་དུ་འགས་གཏོར་བྱུང་སྟེ། བུད་མེད་གཅིག་དང་བྱིས་པ་གསུམ་རྐྱེན་ལམ་དུ་ཤོར་བ་དང་། མི་བཅུ་གཅིག་ལ་ཚད་མི་འདྲ་བའི་རྨས་ཕོག་ཡོད་ལ། བསྲེག་རྨས་ཐེབས་པའི་རྒྱ་ཁྱོན་བརྒྱ་ཆའི་བརྒྱད་ཅུ་ནས་བརྒྱད་ཆའི་དགུ་བཅུར་སླེབས་ཡོད། འགས་གཏོར་དོན་རྐྱེན་དེ་ལས་ད་རུང་ཉེ་འཁོར་གྱི་ཁང་བ་དང་རླངས་འཁོར་མང་བོར་གཏོར་བརླག་བཟོས་ཡོད་ཟེར།
མིག་སྔར་དོན་རྐྱེན་དེའི་འབྱུང་རྐྱེན་ལ་རྟོག་ཞིབ་བྱེད་བཞིན་ཡོད།