ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨུ་རུ་སིའི་སྲིད་གཞུང་གིས་ཚེས་བཞི་ཉིན་ཨུ་རུ་སིའི་ཕྱོགས་ཀི་ལུའུ་ཅི་ཡཱའི་སྐྱེས་པ་ཞིག་འཇར་མན་ནས་ལྐོག་གསོད་ཐེབས་པའི་དོན་རྐྱེན་ལ་འབྲེལ་བ་ཡོད་པ་ཁས་ལེན་མ་བྱས་པ་དང་། འཇར་མན་ཕྱོགས་ཀྱིས་ཨུ་རུ་སི་དོན་དེར་ཞུགས་ཡོད་པར་དོགས་པ་ཟས་ནས་ཨུ་རུ་སིའི་གཞུང་ཚབ་ཁང་གི་ལས་བྱེད་མི་སྣ་མཐར་སྐྲོད་བཏང་བའི་བྱ་སྤྱོད་ལས་ཨུ་རུ་སིའི་ཕྱོགས་ཀྱིས་འབྲེལ་ཡོད་བྱེད་ཐབས་སྤྱོད་ངེས་ཡིན་ཟེར།
ད་ལོའི་ཟླ་བརྒྱད་པར། ཀི་ལུའུ་ཅི་ཡཱའི་སྐྱེས་པ་ཞིག་འཇར་མན་གྱི་པའོ་ལིན་ནས་མེ་མདས་བརྒྱབ་སྟེ་རྐྱེན་ལམ་དུ་ཤོར། དོན་རྐྱེན་བྱུང་རྗེས། འཇར་མན་ཕྱོགས་ཀྱིས་ཨུ་རུ་སིའི་དོགས་ཡོད་ཉེས་ཅན་ཞིག་འཛིན་བཟུང་བྱས། ཨུ་རུ་སིའི་ཕྱོགས་ཀྱིས་འཇར་མན་གྱི་རྟོག་ཞིབ་ལ་གཞོགས་འདེགས་བྱེད་པར་ཁས་ལེན་མ་བྱས་པས། འཇར་མན་ཕྱི་འབྲེལ་པུའུ་ཡིས་ཟླ་བཅུ་གཉིས་པའི་ཚེས་བཞིའི་ཉིན་འཇར་མན་དུ་སྡོད་པའི་ཨུ་རུ་སིའི་གཞུང་ཚབ་ཁང་གི་ལས་བྱེད་མི་སྣ་གཉིས་མཐར་སྐྲོད་གཏོང་རྒྱུ་ཁྱབ་སྒྲོག་བྱས།
ཨུ་རུ་སིའི་ཙུང་ཐུང་གི་གསར་འགྱུར་དྲུང་ཡིག་ཕའེ་སི་ཁི་ཧྥུའུ་ཡིས་བཤད་རྒྱུར། ཀི་ལུའུ་ཅི་ཡཱའི་སྐྱེས་པ་འཇར་མན་ནས་ལྐོག་གསོད་ཐེབས་པའི་དོན་རྐྱེན་དེ་ཨུ་རུ་སིར་འབྲེལ་བ་སྤུ་ཙམ་ཡང་མེད་པ་དང་། འཇར་མན་ཕྱོགས་ཀྱི་དོགས་གཞི་དེར་གཞི་འཛིན་ས་ཅི་ཡང་མེད་ཟེར།