ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། གསར་འགོད་པས་ཉེ་ལམ་ཚོང་དོན་པུའུ་ནས་རྒྱུས་ལོན་པ་ལྟར་ན། ད་ལོའི་དུས་ཚིགས་དང་པོར། རང་རྒྱལ་གྱི་ཞབས་ཞུ་ཕྱིར་གཏོང་ནང་འདྲེན་གྱི་སྤྱི་འབོར་སྒོར་དུང་ཕྱུར18167.4ལ་སླེབས་པ་དང་། དུས་མཉམ་ལས14.7%འཕར་ཡོད།
ཤེས་བྱ་མང་འདུས་ཅན་གྱི་ཞབས་ཞུའི་ཉོ་ཚོང་མུ་མཐུད་དུ་འཕར་སྣོན་བྱུང་བ། དུས་ཚིགས་དང་པོར་ཤེས་བྱ་མང་འདུས་ཅན་གྱི་ཞབས་ཞུ་ཕྱིར་གཏོང་ནང་འདྲེན་སྒོར་དུང་ཕྱུར7332.6ལ་སླེབས་ནས་དུས་མཉམ་ལས5.6%འཕར་ཡོད། དེའི་ཁྲོད་ཤེས་བྱ་མང་འདུས་ཅན་གྱི་ཞབས་ཞུའི་ཕྱིར་གཏོང་བྱེད་ཚད་སྒོར་དུང་ཕྱུར4273.7%ལ་སླེབས་པ་དུས་མཉམ་ལས2.8%འཕར་ཡོད། འཕར་སྣོན་ཅུང་མགྱོགས་པའི་ཁྱབ་ཁོངས་ལ་ཤེས་བྱའི་བདག་དབང་གི་བཀོལ་སྤྱོད་གྲོན་དངུལ་དང་མི་སྒེར་གྱི་རིག་གནས་དང་རོལ་རྩེད་ཞབས་ཞུ་ཡོད་པ་དང་། འཕར་ཚད་སོ་སོར34. 4%དང19%ཡིན། ཤེས་བྱ་མང་འདུས་ཅན་གྱི་ཞབས་ཞུ་ནང་འདྲེན་སྒོར་དུང་ཕྱུར3058.9ལ་སླེབས་པ་དང་དུས་མཉམ་ལས%9.6འཕར་ཡོད་ལ། འཕར་ཚད་ཅུང་མགྱོགས་པའི་ཁྱབ་ཁོངས་ལ་མི་སྒེར་གྱི་རིག་གནས་དང་རོལ་རྩེད་ཞབས་ཞུ་དང་ཚོང་ལས་ཞབས་ཞུ་གཞན་དག་ཡོད་ཅིང་། འཕར་ཚད་སོ་སོར66%དང15. 2%ཡིན། །