ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཚེས28ཉིན་སྐྱེ་ཁམས་ཁོར་ཡུག་པུས་ཁྱབ་བསྒྲགས་བྱས་པར། ད་ལོའི་དུས་ཚིགས་དང་པོར། རྒྱལ་ཡོངས་ཁོར་ཡུག་གི་མཁའ་རླུང་སྤུས་ཚད་དང་ཆུའི་སྐྱེ་ཁམས་ཁོར་ཡུག་གི་སྤུས་ཚད་སྤྱིའི་ཆ་ནས་རྒྱུན་མཐུད་ངང་ལེགས་བཅོས་བྱུང་ཡོད།
ད་ལོའི་དུས་ཚིགས་དང་པོར། རྒྱལ་ཡོངས་ཀྱི་ས་ཁུལ་རིམ་པ་དང་དེ་བཞིན་དེ་ཡན་གྱི་གྲོང་ཁྱེར339ཡིPM2.5ཡི་ཆ་སྙོམས་གར་ཚད་དེ་སྨིད་རྒྱ་དཔངས་གྲུ་བཞི་མ་རེར་ཝེ་ཁེ43ཡིན་པ་དང་། དེ་དུས་མཚུངས་ལས6.5%ཆག་ཡོད། མཁའ་རླུང་སྤུས་ཚད་ལེགས་པའི་ཉིན་གྲངས་ཀྱི་བསྡུར་ཚད་དེ83.6%ཡིན་པ་དང་། དུས་མཚུངས་ལས་བརྒྱ་ཆའི་ཚེག3.5འཕར་ཡོད། པེ་ཅིན་དང་ཐེན་ཅེན། ཧེ་པེ་དེ་བཞིན་ཉེ་འགྲམ་ས་ཁུལ་དང་། ཧྥེན་ཝེ་བདེ་ཐང་གི་ཁོར་ཡུག་གི་མཁའ་རླུང་སྤུས་ཚད་མངོན་གསལ་དོད་པོས་ལེགས་སུ་ཕྱིན་ཡོད། སྐྱེ་ཁམས་ཁོར་ཡུག་པུའི་གསར་འགྱུར་མགྲིན་ཚབ་པ་ཕེ་ཞའོ་ཧྥེ་ཡིས། ཆུའི་སྐྱེ་ཁམས་ཁོར་ཡུག་གི་སྤུས་ཚད་ཀྱང་རྒྱུན་མཐུད་ལེགས་བཅོས་བྱུང་ཡོད་ཅེས་ངོ་སྤྲོད་གནང་ཡོད། །