ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཚེས10ཉིན་གྱི་སྔ་དྲོར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཅང་ཞི་ཞིང་ཆེན་ཅིའུ་ཅང་གྲོང་ཁྱེར་དུ་སྔ་རྗེས་སུ་འབྲི་ཆུའི་རྒྱལ་ཁབ་རིག་གནས་སྤྱི་གླིང་ཅིའུ་ཅང་མཁར་གྲོང་མཚམས་དང་ཀྲུང་གོ་རྡོ་སྣུམ་རྫས་འགྱུར་ཅིའུ་ཅང་ཡན་ལག་ཀུང་ཟི་བཅས་སུ་རྟོག་ཞིབ་གནང་ནས། ས་གནས་ཀྱི་འབྲི་ཆུའི་རྒྱལ་ཁབ་རིག་གནས་སྤྱི་གླིང་འཛུགས་སྐྲུན་དང་འབྲི་ཆུའི་འགྲམ་ངོགས་ཀྱི་སྐྱེ་ཁམས་ཞིག་གསོ། རྡོ་སྣུམ་རྫས་འགྱུར་ཁེ་ལས་སྤོ་བསྒྱུར་རིམ་སྤར་གྱི་ལྗང་མདོག་འཕེལ་རྒྱས་སོགས་ཀྱི་གནས་ཚུལ་ལ་རྒྱུས་ལོན་གནང་བ་རེད། །
