དབྱི་རན་དང་སུའུ་ཏན་གྱིས་ཕྱོགས་གཉིས་པོའི་བར་གྱི་ཕྱི་འབྲེལ་སླར་གསོ་བྱས་པའི་མཉམ་འབྲེལ་གསལ་བསྒྲགས་སྤེལ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། དབྱི་རན་ཕྱི་འབྲེལ་པུའུ་ཡིས་ཚེས9ཉིན་དབྱི་རན་དང་སུའུ་ཏན་གྱི་མཉམ་འབྲེལ་གསལ་བསྒྲགས་སྤེལ། གསལ་བསྒྲགས་ནང་། ཟླ་འགའི་རིང་གི་དབྱི་རན་དང་སུའུ་ཏན་གྱི་མཐོ་རིམ་དཔོན་རིགས་བར་གྱི་ཐུག་འཕྲད་དང་འབྲེལ་འདྲིས་འོག ཕྱོགས་གཉིས་པོའི་བར་གྱི་ཕྱི་འབྲེལ་སླར་གསོ་བྱས་ཏེ་རྒྱལ་ཁབ་གཉིས་པོའི་ཐུན་མོང་གི་ཁེ་ཕན་ལ་ཞབས་འདེགས་ཞུ་རྒྱུ་ཞེས་བསྟན་ཡོད། །