ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ12པའི་ཚེས5ཉིན། རང་རེའི་ཏང་དང་དམག་དཔུང་། རང་རྒྱལ་གྱི་རིགས་སོ་སོའི་མི་དམངས་ཀྱིས་ཁས་ལེན་པའི་དབང་ཟིལ་བླ་ན་མེད་པའི་ཕུལ་བྱུང་མགོ་ཁྲིད་མི་སྣ། རླབས་ཆེན་གྱི་མར་ཁེ་སིའི་རིང་ལུགས་པ། རླབས་ཆེ་བའི་འབྱོར་མེད་གྲལ་རིམ་གྱི་གསར་བརྗེ་བ། ཆབ་སྲིད་པ་དང་དམག་དོན་པ། ཕྱི་འབྲེལ་པ། ཡུན་རིང་གི་ཉམས་སད་ཐེག་ཐུབ་པའི་གུང་ཁྲན་རིང་ལུགས་ཀྱི་འཐབ་མོ་བ། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ལས་དོན་གྱི་ཕུལ་བྱུང་མགོ་ཁྲིད་པ། ཏང་གི་ཀྲུང་དབྱང་མགོ་ཁྲིད་ཐུན་མོང་རབས་གསུམ་པའི་སྲོག་ཤིང་། མཚོན་བྱེད་གསུམ་གྱི་དགོངས་པ་གལ་ཆེན་གསར་གཏོད་བྱེད་མཁན་བློ་མཐུན་ཅང་ཙེ་རྨིན་གྱི་སྐུ་གདུང་པེ་ཅིན་དུ་སྦྱིན་སྲེག་བྱས།
ཀྲུང་གོ་མི་དམངས་བཅིངས་འགྲོལ་དམག་སྤྱི་ཁྱབ་སྨན་ཁང་ནས་པ་པའོ་རི་བོའི་བར།རྒྱལ་སའི་ལས་རིགས་སོ་སོའི་མང་ཚོགས་རང་འགུལ་གྱིས་ལམ་རྒྱུད་ཀྱི་འགྲམ་གཉིས་སུ་འདུས་ནས། གུས་སུ་རུང་བའི་བློ་མཐུན་ཅང་ཙེ་རྨིན་ལ་སྐྱེལ་མ་བྱས་ཏེ། བློ་མཐུན་ཅང་ཙེ་རྨིན་ལ་བཅངས་པའི་གདུང་སེམས་མཚོན་པར་བྱས། །
