ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཁབ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་ཟླ་བཞི་བའི་ཚེས་བཅུ་གཉིས་ཉིན་ཁྱབ་བསྒྲགས་བྱས་པ་ལྟར་ན། ཟླ་བཞི་པའི་ཚེས་བཅུ་གཅིག་ཉིན་གྱི་དུས་ཚོད་ཉེར་བཞིའི་རིང་ལ། ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར་བཅས་སོ་གཅིག་དང་། ཞིན་ཅང་ཐོན་སྐྱེད་འཛུགས་སྐྲུན་དམག་ཚོགས་བཅས་ཀྱིས་པྲོག་གསར་གློ་ཚད་རིམས་ནད་ལ་ངོས་བཟུང་བའི་ནད་པ་སྟོང་གཅིག་དང་ཉིས་བརྒྱ་དོན་གཉིས་ཇེ་མང་དུ་སོང་བ་ཁྱབ་བསྒྲགས་བྱས་པ་དང་། དེའི་ནང་ཕྱི་ནས་མཆེད་པའི་ནད་པ་ཉེར་གཅིག་ཡོད་ལ། རང་ས་གནས་ཀྱི་ནད་པ་སྟོང་གཅིག་དང་ཉིས་བརྒྱ་ང་གཅིག་ཡོད། སངས་དྲག་བྱུང་ནས་སྨན་ནས་བུད་པའི་རང་ས་གནས་ཀྱི་ནད་པ་སྟོང་གཅིག་དང་དྲུག་བརྒྱ་ཞེ་གཅིག་ཡོད། ནད་རྟགས་ངོས་བཟུང་མེད་པའི་ནད་པ་ཁྲི་གཉིས་དང་སྟོང་གསུམ་སུམ་བརྒྱ་གྱ་བདུན་ཇེ་མང་དུ་སོང་ཡོད་ཅིང་། དེའི་ཁྲོད་ཕྱི་ནས་མཆེད་པའི་ནད་པ་གོ་གཉིས་ཡོད་པ་དང་། རང་ས་གནས་ཀྱི་ནད་པ་ཁྲི་གཉིས་དང་སྟོང་གསུམ་ཉིས་བརྒྱ་གོ་ལྔ་ཡོད། ཉིན་དེར་སྨན་བཅོས་ལྟ་སྐྱོང་ལས་གློད་པའི་ནད་རྟགས་མི་མངོན་པའི་ནད་པ་སྟོང་གཉིས་དང་ལྔ་བརྒྱ་ཉི་ཤུ་ཡོད། ཟླ་བཞི་པའི་ཚེས་བཅུ་གཅིག་ཉིན་བར། ས་ཁུལ་སོ་སོ་ནས་བསྡོམས་པས་པྲོག་གསར་གློ་ཚད་རིམས་ནད་ཀྱི་འགོག་ཁབ་མི་ཐེངས་ཐེར་འབུམ་གསུམ་དང་དུང་ཕྱུར་གསུམ་འབུམ་གསུམ་ཁྲི་གཉིས་སྟོང་བརྒྱད་ལ་བརྒྱབ། །
