ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཁབ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་ཚེས་བརྒྱད་ཉིན་ཁྱབ་བསྒྲགས་བྱས་དོན། ཟླ་བརྒྱད་པའི་ཚེས་བདུན་ཉིན་གྱི་དུས་ཚོད་ཉེར་བཞིའི་རིང་ལ། ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར་སོ་གཅིག་དང་ཞིན་ཅང་ཐོན་སྐྱེད་འཛུགས་སྐྲུན་དམག་ཚོགས་བཅས་ཀྱིས་པྲོག་གསར་གློ་ཚད་རིམས་ནད་ལ་ངོས་བཟུང་བའི་ནད་པ་གོ་དྲུག་ཇེ་མང་དུ་སོང་བ་ཡར་ཞུ་བྱས་པ་དང་། དེའི་ནང་གི་བཅོ་ལྔ་ཕྱི་ནས་མཆེད་པའི་ནད་པ་ཡིན་ལ། རང་ས་གནས་ཀྱི་ནད་པ་གྱ་གཅིག་ཡོད། ནད་རྟགས་མི་མངོན་པའི་ནད་པ་སུམ་ཅུ་ཡོད་པ་དང་། དེའི་ཁྲོད་ཕྱི་ནས་མཆེད་པའི་ནད་པ་ཉེར་ལྔ་དང་རང་ས་གནས་ཀྱི་ནད་པ་ལྔ་ཡོད། ཟླ་བརྒྱད་པའི་ཚེས་བདུན་ཉིན་གྱི་དུས་ཚོད་ཉེར་བཞིའི་བར་དུ། ད་ཡོད་ངོས་བཟུང་བའི་ནད་པ་ཁྱོན་བསྡོམས་སྟོང་གཅིག་དང་ལྔ་བརྒྱ་དང་བདུན་ཡོད། ཟླ་བརྒྱད་པའི་ཚེས་བདུན་ཉིན་བར་དུ། རྒྱལ་ཡོངས་ཀྱི་ས་ཆ་སོ་སོ་ནས་པྲོག་གསར་གློ་ཚད་རིམས་ནད་ཀྱི་འགོག་སྨན་ཐེངས་དུང་ཕྱུར་བཅུ་བདུན་དང་བྱེ་བ་བདུན་འབུམ་གསུམ་སྟོང་བཞི་བརྒྱབ། །