ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་ཁབ་སྦྲག་སྲིད་ཅུའུ་ཡི་དངོས་ཐོག་དུས་སྐབས་ཀྱི་བརྟག་བཤེར་ཚད་ལེན་གཞི་གྲངས་ལས་མངོན་པ་ལྟར་ན། ཟླ6པའི་ཚེས1ཉིན་བར་དུ། ད་ལོར་རང་རྒྱལ་གྱི་མྱུར་སྐྱེལ་ལས་སྒོའི་སྤྱི་འབོར་དུང་ཕྱུར400ལས་བརྒལ་ཏེ། ཕལ་ཆེར2017ལོའི་རྒྱལ་ཡོངས་ཀྱི་ཆུ་ཚད་དང་འདྲ་ལ། ཉིན་རེའི་ཆ་སྙོམས་ཀྱི་ལས་སྒོའི་སྤྱི་འབོར་དུང་ཕྱུར2.66ལ་སླེབས་ཤིང་། ཉིན་རེར་ཆ་སྙོམས་ཀྱིས་སྤྱོད་མཁན་ལ་ཞབས་ཞུ་སྒྲུབ་པ་མི་ཐེངས་དུང་ཕྱུར5ལ་སླེབས། རྒྱལ་ཁབ་སྦྲག་སྲིད་ཅུའུ་ཡིས་ཚོད་དཔག་ལྟར་ན། 2021ལོའི་ལོ་ཧྲིལ་བོར་མྱུར་སྐྱེལ་ལས་སྒོའི་སྤྱི་འབོར་དུང་ཕྱུར950ལས་བརྒལ་རྒྱུ་ཡིན་པར་བསྟན།
རྒྱལ་ཁབ་སྦྲག་སྲིད་ཅུའུ་ཡི་འབྲེལ་ཡོད་འགན་ཁུར་མི་སྣས་མཚམས་སྦྱོར་བྱས་པ་ལྟར་ན། ད་ལོར་མྱུར་སྐྱེལ་ལས་སྒོའི་སྤྱི་འབོར་དུང་ཕྱུར400ལས་བརྒལ་བར་དུས་ཡུན་ཟླ5ལས་མ་འགོར་བ་དང་། དེ2017ལོའི་རང་རྒྱལ་གྱི་མྱུར་སྐྱེལ་ལས་སྒོའི་སྤྱི་འབོར་དུང་ཕྱུར400ལས་བརྒལ་བ་དང་བསྡུར་ན་ཟླ7གྱི་སྔོན་ལ་ལེགས་འགྲུབ་བྱས་ཡོད་པ་དང་། 2020ལོ་ལས་ཟླ2ཀྱི་སྔོན་ལ་ལེགས་འགྲུབ་བྱས་པས། ཡང་བསྐྱར་ཟིན་ཐོ་གསར་བ་བསྐྲུན་ཡོད། །