ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ། ཀོང་ཏུང་དང་ཞང་ཀང་། ཨོ་མིན་མཚོ་ཁུག་ས་ཁུལ་འཛུགས་སྐྲུན་མགོ་ཁྲིད་ཚན་ཆུང་གི་ཚན་གཙོ་ཧན་ཀྲིན་གྱིས་ཚེས་ཉེར་གཉིས་ཉིན་ཀོང་ཀྲིག་ནས་མགོ་འཛིན་མཛད་དེ་ཀོང་ཏུང་དང་ཞང་ཀང་། ཨོ་མིན་མཚོ་ཁུག་ས་ཁུལ་འཛུགས་སྐྲུན་མགོ་ཁྲིད་ཚན་ཆུང་གི་གྲོས་ཚོགས་བསྡུས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ནན་མོ་བྱས་པ་དང་། ཀོང་ཏུང་དང་ཞང་ཀང་། ཨོ་མིན་གྱི་མཉམ་ལས་སྟེགས་བུ་འཛུགས་སྐྲུན་གྱི་འབྲེལ་ཡོད་སྲིད་ཇུས་དངོས་འབེབས་བྱེད་པ་སོགས་ཀྱི་བྱ་བར་ཞིབ་འཇུག་དང་བཀོད་སྒྲིག་བྱས།
ཧན་ཀྲིན་གྱིས་བསྟན་དོན། ཀོང་ཏུན་དང་ཞང་ཀང་། ཨོ་མིན་མཚོ་ཁུག་ས་ཁུལ་འཛུགས་སྐྲུན་བྱེད་པ་ནི་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གིས་གཏན་འཁེལ་བྱས་པའི་འཐབ་ཇུས་བཀོད་སྒྲིག་གལ་ཆེན་ཞིག་ཡིན། གནས་བབ་གསར་བ་དང་ལས་འགན་གསར་བ་གསལ་བོར་ཤེས་པར་བྱས་ཏེ། དམིགས་འབེན་གྱི་ཁྲིད་ཕྱོགས་རྒྱུན་འཁྱོངས་བྱེད་པ་དང་། དམིགས་འབེན་མངོན་འགྱུར་བྱེད་པར་དམིགས་ནས་གནད་དོན་རྩད་ཆོད་རྗེས་དུས་ཐོག་ཏུ་གནད་དོན་ཐག་གཅོད་དགོས་ལ། ཏན་ཏན་ཏིག་ཏིག་སྒོས་མཉམ་ལས་སྟེགས་བུ་གལ་ཆེན་གྱི་འཛུགས་སྐྲུན་ལ་སྐུལ་འདེད་བཏང་ནས། ཀོང་ཏུང་དང་ཞང་ཀང་། ཨོ་མིན་མཚོ་ཁུག་ས་ཁུལ་གྱི་འཛུགས་སྐྲུན་ཐད་ནས་གྲུབ་འབྲས་གསར་བ་ལེན་དགོས་ཟེར།
ལིས་ཞི་དང་ཞ་པའོ་ལུང་གཉིས་ཀ་གྲོས་ཚོགས་ལ་ཞུགས་པ་དང་། ཞང་ཀང་དམིགས་བསལ་སྲིད་འཛིན་ས་ཁུལ་གྱི་སྲིད་འཛིན་དཔོན་པོ་ལིན་ཀྲིན་ཡའོ་ཨུ་དང་ཨོ་མིན་དམིགས་བསལ་སྲིད་འཛིན་ས་ཁུལ་གྱི་སྲིད་འཛིན་དཔོན་པོ་ཧི་དབྱི་ཁྲིན་གཉིས་ཀ་གྲོས་ཚོགས་ལ་ཞུགས། །