ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། སྐྱེ་ཁམས་དཔལ་ཡོན་འཛུགས་སྐྲུན་ནི་མི་དམངས་མང་ཚོགས་ཀྱི་འཚོ་བའི་བདེ་སྡུག་དང་མི་རིགས་ཀྱི་མ་འོངས་བར་འབྲེལ་བ་དམ་ཟབ་ཡོད་པ་རེད། ཏང་གི་སྐབས་བཅུ་དགུ་བའི་ཚང་འཛོམས་གྲོས་ཚོགས་ཐེངས་ལྔ་བའི་སྟེང“སྐྱེ་ཁམས་དཔལ་ཡོན་འཛུགས་སྐྲུན་ལ་འཕེལ་རྒྱས་གསར་བ་འབྱུང་དུ་འཇུག་རྒྱུ”ནི“ལྔ་བཅུ་བཞི་བའི”དུས་སྐབས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་འབྱུང་བའི་དམིགས་འབེན་གཙོ་བོ་གྲས་ཀྱི་གཅིག་ཏུ་བཞག་ཡོད་ལ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རི་སྔོ་ཆུ་དྭངས་ནི་གསེར་རི་དངུལ་རི་ཡིན་པའི་འདུ་ཤེས་ཇེ་དྲག་ཏུ་བཏང་ནས་སྐྱེ་ཁམས་དཔལ་ཡོན་འཛུགས་སྐྲུན་ཐད་གྲུབ་འབྲས་མངོན་གསལ་ལེན་དགོས་ཞེས་ནན་གྱིས་བསྟན་ཡོད།
ཉེ་བའི་ལོ་འདི་གའི་རིང་། མི་རྣམས་ཀྱི་སེམས་ཁུངས་སུ“རི་སྔོ་ཆུ་དྭངས་ནི་གསེར་རི་དངུལ་རི་ཡིན་པའི”འདུ་ཤེས་ཇེ་དྲག་ཏུ་བཏང་ཞིང་། ས་གནས་སོ་སོས་ཁོར་ཡུག་སྲུང་སྐྱོང་བྱེད་ཤུགས་ཆེ་རུ་བཏང་བས་སྐྱེ་ཁམས་ཁོར་ཡུག་ཇེ་ལེགས་སུ་ཕྱིན་པ་དང་སྐྱེ་ཁམས་དཔལ་ཡོན་འཛུགས་སྐྲུན་ཐད་བདེན་པ་བདེན་ཐུབ་ཀྱི་ཕན་འབྲས་མི་དམན་པ་བླངས་ཡོད། །
