ཞི་ཅིན་ཕིང་གིས་གློག་འཕྲིན་བཏང་ནས་ཨ་མེ་རི་ཁའི་ཙུང་ཐུང་ཐུ་ལང་ཕུའུ་ལ་འཚམས་འདྲི་གནང་།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར་ན། ཟླ་བཅུ་བའི་ཚེས་གསུམ་ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཨ་མེ་རི་ཁའི་ཙུང་ཐུང་ཐུ་ལང་ཕུའུ་ལ་གློག་འཕྲིན་བཏང་སྟེ། ཙུང་ཐུང་ཐུ་ལང་ཕུའུ་བཟའ་ཟླ་གཉིས་ལ་པྲོག་དབྱིབས་ནད་དུག་འགོས་པའི་ཐད་འཚམས་འདྲི་གནང་།

ཞི་ཅིན་ཕིང་གིས་གློག་འཕྲིན་ནང་བསྟན་དོན། ཙུང་ཐུང་བཟའ་ཟླ་གཉིས་ལ་པྲོག་དབྱིབས་ནད་དུག་འགོས་པ་ཤེས་མ་ཐག ང་དང་ངའི་ལྕམ་མོ་ཕིན་ལིས་ཡོན་གཉིས་ཀྱིས་ཁྱེད་དང་ཁྱེད་ཀྱི་ལྕམ་མོ་ལ་འཚམས་འདྲི་བྱས་ཏེ། ཁྱེད་གཉིས་སྔ་མོ་ནས་ནད་ལས་ཐར་ཏེ་བདེ་ཐང་ཡོང་བའི་སྨོན་འདུན་ཞུས་པ་ཡིན་ཟེར། །

རྩོམ་སྒྲིག་པ། བདེ་ལེགས་མཚོ།

དཔྱད་མཆན 0 ཡོད།