“ལྔ་གཅིག”གུང་གསེང་རིང་རྒྱལ་ནང་གི་ཡུལ་སྐོར་ཡོང་འབབ་སྒོར་དུང་ཕྱུར470ལྷག་ཙམ་ཟིན་པ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རིག་གནས་དང་ཡུལ་སྐོར་པུའུ་ཡིས་ཡོངས་བསྒྲགས་བྱས་པའི་གཞི་གྲངས་ལས་མངོན་གསལ། “ལྔ་གཅིག”གུང་གསེང་རིང་རྒྱལ་ཡོངས་སུ་བསྡོམས་པས་རྒྱལ་ནང་གི་ཡུལ་སྐོར་བ་མི་ཐེངས་དུང་ཕྱུར1.15ལ་སྣེ་ལེན་བྱས་པར་རྒྱལ་ནང་གི་ཡུལ་སྐོར་ཡོང་འབབ་སྒོར་དུང་ཕྱུར475.6ཟིན་པ་རེད། ཚེས5ཉིན་རྒྱལ་ཡོངས་ཀྱི་རྒྱལ་ནང་ཡུལ་སྐོར་བ་མི་ཐེངས་ཁྲི1023.1ལ་སྣེ་ལེན་ཞུས་པར་རྒྱལ་ནང་གི་ཡུལ་སྐོར་ཡོང་འབབ་སྒོར་དུང་ཕྱུར43.3ཟིན་པ་རེད། །