ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ2པའི་ཚེས9ཉིན་གྱི་ཆུ་ཚོད0ནས24ཡི་རིང་། ཞིང་ཆེན31(རང་སྐྱོང་ལྗོངས་དང་ཐད་གཏོགས་གྲོང་ཁྱེར)དང་ཤིན་ཅང་ཐོན་སྐྱེད་འཛུགས་སྐྲུན་དམག་དཔུང་གི་སྙན་ཞུ་ལྟར་ན། ཏོག་གསར་གློ་ཚད་ནད་རྟགས་ཐག་བཅད་པའི་ནད་པ3062(ཧུའུ་པུའེ་རུ2618)ཀྱིས་མང་དུ་ཕྱིན་པ་དང་། ནད་པ་ལྕི་མོ296(ཧུའུ་པུའེ་རུ258) གིས་མང་དུ་ཕྱིན་ཡོད་ལ། ཚེ་འདས་ནད་པ97(ཧུའུ་པུའེ་རུ91 ཨན་ཧོས་རུ2ཡོད། ཧེ་ལུང་ཅང་དང་། ཅང་ཤིས། ཧའེ་ནན། ཀན་སུའུ་བཅས་སོ་སོར1རེ་ཡོད།) གྱིས་མང་དུ་ཕྱིན་ཡོད། དོགས་ཡོད་ནད་རྟགས་ཡོད་པའི་ནད་པ4008 (ཧུའུ་པུའེ་རུ2272)ཀྱིས་མང་དུ་ཕྱིན་ཡོད།
ཉིན་དེར་དྲག་སྐྱེད་བྱུང་བའི་ནད་པ632(ཧུའུ་པུའེ་རུ356)ཀྱིས་མང་དུ་ཕྱིན་ཡོད་པ་དང་། འབྲེལ་འདྲིས་ཡོད་མཁན་མི29307ལ་སྨན་བཅོས་ལྟ་ཞིབ་བྱེད་མཚམས་བཞག
ཟླ2པའི་ཚེས9ཉིན་གྱི་ཆུ་ཚོད24ཡི་བར་དུ། ཞིང་ཆེན31(རང་སྐྱོང་ལྗོངས་དང་ཐད་གཏོགས་གྲོང་ཁྱེར)དང་ཤིན་ཅང་ཐོན་སྐྱེད་འཛུགས་སྐྲུན་དམག་དཔུང་གི་སྙན་ཞུ་ལྟར་ན། ད་ལྟ་ནད་རྟགས་ཐག་བཅད་པའི་ནད་པ35982(དེའི་ནང་ནད་པ་ལྕི་མོ6484)ཡོད་པ་དང་། བསྡོམས་རྩིས་བྱས་ན་ནད་དྲག་ནས་སྨན་ཁང་ནས་ཕྱིར་བུད་པའི་ནད་པ3281ཡོད་ལ། བསྡོམས་རྩིས་བྱས་ན་ཚེ་འདས་ནད་པ908ཡོད། བསྡོམས་རྩིས་བྱས་ན་ནད་རྟགས་ཐག་བཅད་པའི་ནད་པ40171ཡོད། (ཧུའུ་པུའེ་རུ་ནད་པ87ཀྱིས་ཉུང་དུ་ཕྱིན་ཡོད་ལ། ཅང་ཤིས་དང་ཀན་སུའུ་རུ་སོ་སོར་ནད་པ1རེ་ཡིས་ཉུང་དུ་ཕྱིན་ཡོད།) ད་ལྟ་དོགས་ཡོད་ནད་རྟགས་ཡོད་པའི་ནད་པ23589བཅས་ཡོད་པ་དང་། བསྡོམས་རྩིས་བྱས་ན་འབྲེལ་འདྲིས་ཡོོད་པའི་མི399487གྱི་རྗེས་འདེད་ཐུབ་ཡོད་པ་མ་ཟད། ད་དུང་འབྲེལ་འདྲིས་ཡོད་པའི་མི187518ལ་སྨན་བཅོས་ལྟ་ཞིབ་བྱེད་བཞིན་ཡོད།
བསྡོམས་རྩིས་བྱས་ན་ཤང་ཀང་དང་། ཨའོ་མོན། ཐའེ་ཝན་བཅས་ས་ཁུལ་གྱི་བརྡ་ཁྱབ་ནང་ནད་རྟགས་ཐག་བཅད་པའི་ནད་པ64ཡོད་སྟེ། ཤང་ཀང་དམིགས་བསལ་སྲིད་འཛིན་ཁུལ་དུ་ནད་པ36(ཚེ་འདས་ནད་པ1)ཡོད་པ་དང་། ཨའོ་མོན་དམིགས་བསལ་སྲིད་འཛིན་ཁུལ་དུ་ནད་པ10(ནད་དྲག་ནས་སྨན་ཁང་ནས་ཕྱིར་བུད་པའི་ནད་པ1)ཡོད་ལ། ཐའེ་ཝན་ས་ཁུལ་དུ་ནད་པ18(ནད་དྲག་ནས་སྨན་ཁང་ནས་ཕྱིར་བུད་པའི་ནད་པ1)ཡོད་པ་རེད། །