རང་རྒྱལ་གྱི་རྩ་ཁྲིམས་ནང་ས་ཞིང་གི་གནད་དོན་ཐད་ཇི་ལྟར་གཏན་འཁེལ་བྱས་ཡོད།

（1）　གྲོང་ཁྱེར་གྱི་ས་ཞིང་རྒྱལ་ཁབ་ལ་དབང་བ་ཡིན།

（2）　གྲོང་གསེབ་དང་གྲོང་ཁྱེར་ཉེ་འདབས་ཀྱི་ས་ཞིང་རྣམས་བཅའ་ཁྲིམས་ཀྱི་གཏན་འཁེལ་ལྟར་རྒྱལ་ཁབ་ལ་དབང་བ་རྣམས་ཕུད།　གཞན་དག་ཚང་མ་ཐུན་མོང་ལ་དབང་བ་ཡིན།　ཁང་ས་དང་།　རང་བཀོལ་ས་ཞིང་།　རང་བཀོལ་གནས་རི་རྣམས་ཀྱང་ཐུན་མོང་ལ་དབང་བ་ཡིན།

（3）　རྒྱལ་ཁབ་ཀྱིས་སྤྱིའི་ཁེ་ཕན་གྱི་དགོས་མཁོའི་ཆེད་དུ་བཅའ་ཁྲིམས་ཀྱི་གཏན་འཁེལ་ལྟར་ས་ཞིང་བསྡུ་ལེན་བྱས་ཆོག་མོད།　འོན་ཀྱང་བསྡུ་ལེན་བྱས་པའི་ས་ཞིང་ལ་ཁ་གསབ་སྤྲད་དགོས།

（4）　རྩ་འཛུགས་དང་མི་སྒེར་སུས་ཀྱང་ས་ཆ་ཧམ་བཟུང་དང་ཉོ་འཚོང་ངམ་བྱེད་ཐབས་གཞན་དག་ལ་བརྟེན་ནས་ཁྲིམས་འགལ་གྱིས་ས་ཆ་གཞན་ལ་བཤུག་སྤྲོད་བྱས་མི་ཆོག　བཅའ་ཁྲིམས་ཀྱི་གཏན་འཁེལ་ལྟར་ས་ཆ་བཀོལ་སྤྱོད་བྱེད་དབང་གཞན་ལ་བཤུག་སྤྲོད་བྱས་ཆོག

（5）　ས་ཆ་བེད་སྤྱོད་བྱེད་པའི་རྩ་འཛུགས་དང་མི་སྒེར་ཚང་མས་ངེས་པར་ཚུལ་མཐུན་གྱིས་ས་ཆ་བེད་སྤྱོད་བྱ་དགོས།