གླིང་སྒྲུང་སྙན་རྩོམ་རིང་མོའི་གཞུང་ལུགས་ཐད་ཀྱི་འཆད་ཁྲིད།[བརྙན]

གླིང་སྒྲུང་སྙན་རྩོམ་རིང་མོའི་གཞུང་ལུགས་ཐད་ཀྱི་འཆད་ཁྲིད།



གཅོད་པ་དོན་གྲུབ་ངོ་སྤྲོད།

wKgMFFrkNoGAYJOCAAJ2d2FzQ4I465.jpg

གེ་སར་ཞིབ་འཇུག་པ་གཅོད་པ་དོན་གྲུབ་ལགས་ནི་སྤྱི་ལོ1950ལོར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་ཆབ་འགག་རྒྱལ་ར་སྡེ་ཆེན་དུ་ཡབ་པདྨ་དབང་རྒྱལ་དང་ཡུམ་ཤ་བོ་སྐྱིད་གཉིས་ཀྱི་གཅེས་ཕྲུག་ཏུ་སྐྱེས། སྤྱི་ལོ1964ལོར་མཚོ་ལྷོ་བོད་རིགས་རང་སྐྱོང་ཁུལ་དགེ་ཐོན་སློབ་གྲྭར་ཞུགས་ནས་བོད་ཡིག་དང་རྒྱ་ཡིག་བཅས་ལ་སྦྱང་བརྩོན་བྱས་པ་དང་སྤྱི་ལོ1969ལོར་མཚོ་ལྷོ་ཁུལ་དགེ་ཐོན་སློབ་གྲྭ་ནས་མཐར་ཕྱིན་ཏེ་ལོ་འཁོར་ལྔ་དྲུག་ཙམ་ལ་འབྲོག་པའི་སློབ་ཆུང་གི་དགེ་རྒན་གྱི་འགན་ཁུར། སྤྱི་ལོ་1978ལོར་མཚོ་སྔོན་མི་རིགས་སློབ་གྲྭ་ཆེན་མོར་རྒྱུགས་འཕྲོད་ཅིང་། གནས་དེ་ནས་ཤེས་རིག་གི་འདབ་ལག་ཕྱོགས་བཅུར་རྒྱས་པའི་དགེ་བའི་བཤེས་གཉེན་ཆེན་མོ་ཨ་ལགས་ཤར་གདོང་དང་རྡོ་རྒྱལ་སྐུ་ལོ། དཔའ་རིས་བློ་གྲོས་སྙེམས་བློ། དགེ་རྒན་བདེ་མཆོག དགེ་རྒན་གུ་རུ་རྒྱལ་སོགས་ཀྱི་མདུན་ནས་བོད་ཡིག་དང་རྒྱ་ཡིག ལོ་ཙཱ། སྙན་ངག་དང་བརྡ་སྤྲོད། ནང་དོན་རིག་པ་དང་ཚད་མ་རིག་པ། གནའ་རྩོམ་དང་དེང་རྩོམ་སོགས་ལ་སྦྱངས་པ་མི་དམན་པ་བྱས། ད་ལྟ་མཚོ་སྔོན་ཞིང་ཆེན་རིག་གནས་སྒྱུ་རྩལ་མཉམ་འབྲེལ་ལྷན་ཚོགས་ཀྱི་འགོ་འཛིན་པ་གཞོན་པ་དང་མཚོ་སྔོན་ཞིང་ཆེན་གེ་སར་སྒྲུང་ཞིབ་འཇུག་ཁང་གི་འགོ་འཛིན་པའི་འགན་འཁུར་ཡོད་ལ། ཀྲུང་གོའི་གྲངས་ཉུང་མི་རིགས་རྩོམ་པ་པོའི་མཐུན་ཚོགས་ཀྱི་རྒྱུན་ལས་ལས་འཛིན་པ་དང་ཀྲུང་གོའི་རྩོམ་པ་པོ་མཐུན་ཚོགས་ཀྱི་ཚོགས་མི། ཀྲུང་གོའི 《གེ་སར་སྒྲུང་།》སློབ་ཚོགས་ཀྱི་ཚོགས་གཙོ་གཞོན་པ། མཚོ་སྔོན 《གེ་སར་སྒྲུང་།》སློབ་ཚོགས་ཀྱི་ཚོགས་གཙོ། མཚོ་སྔོན་ཞིང་ཆེན་སྐབས་བརྒྱད་པ་དང་དགུ་པའི་སྲིད་གྲོས་ཨུ་ཡོན། མཚོ་སྔོན་མི་རིགས་སློབ་གྲྭ་ཆེན་མོའི་བོད་རིག་པ་སྡེ་ཁག་གི 《གེ་སར་སྒྲུང་།》ཞིབ་འཇུག་སློབ་མའི་སློབ་དཔོན་གྱི་འགན་བཅས་འཁུར་ཡོད་པ་དང་། མཚོ་སྔོན་ཞིང་ཆེན་མི་དམངས་སྲིད་གཞུང་རིག་གནས་ལོ་རྒྱུས་ཞིབ་འཇུག་ཁང་གི་མི་སྣ། རྒྱལ་སྲིད་སྤྱི་ཁྱབ་ཁང་གི་དམིགས་བསལ་གྲོན་དངུལ་ལོངས་སུ་སྤྱོད་པའི་ཆེད་ལས་མཁས་པ་དང་ཞིབ་འཇུག་པ་ཆེན་མོའི་ཐོབ་ཐང་ཡང་གནང་ཡོད།

རྩོམ་སྒྲིག་པ། མཁའ་འགྲོ་ཚེ་བརྟན།

དཔྱད་མཆན 0 ཡོད།