གཉིད་འཕྱི་བའི་གནོད་པ།
1.ཁྲག་རྩའི་བདེ་ཐང་ལ་གནོད་པ། རྒན་པ་ཚོ་གཉིད་འཕྱི་ན་མཚན་མོར་ཁྲག་ཤེད་གཡོ་འགུལ་བྱས་ཏེ། སྙིང་རྩའི་ནད་འབྱུང་བ་དང་གཟའ་ཕོག་པ་སོགས་ཀྱི་ཉེན་ཁ་ཡོད། སྐྱ་རེངས་སྐབས་སུ་ཚོར་སྦྲེལ་དབང་རྩར་ངར་བསླངས་ཏེ། སྙིང་ལྡིང་ཚད་རྒྱུན་ལྡན་མིན་པར་འགྱུར་བ་དང་། ཐ་ན་འཕྲལ་མར་འཆི་ཡང་སྲིད།
2.བརྗེ་ཚབ་ནུས་པ་རྒྱུན་ལྡན་མིན་པར་འགྱུར་བ། གཉིད་པའི་དུས་ཚོད་ཕྱིར་བསྣུར་ན་གཤེར་མའི་ཕུང་རྩི་ཟགས་ཐོན་འཁྲུགས་པར་གྱུར་ཏེ། ཁྲག་མངར་ཚོད་འཛིན་བྱེད་དཀའ་བ་དང་། མཚན་ཕུད་པའམ་གཉིད་འཕྱི་ན་རིམས་འགོག་ཕྲ་ཕུང་གི་གསོན་གཤིས་མར་ཆག་འགྲོ་བས། རྒན་པ་ཚོར་ནད་འབྱུང་སླ་ཞིང་སླར་སོས་ནུས་པ་ཇེ་དམའ་རུ་འགྱུར་ངེས།
གཉིད་ཉུང་བའི་གནོད་པ།
1.སེམས་ཁམས་ཀྱི་གནད་དོན་བསྐྱེད་པ། གཉིད་མ་འདང་ཚེ་ཀླད་པའི་དབང་རྩའི་བརྒྱུད་སྤྲོད་དངོས་རྫས་ཀྱི་དོ་མཉམ་ལ་ཤུགས་རྐྱེན་ཐེབས་ཏེ། དྭངས་ཁྲག་རྒྱུ་དང་ཏའོ་པ་ཨན་གྱི་ཆུ་ཚད་དང་པགས་རྫས་ཕྲུན་སོགས་སྐུལ་རྒྱུའི་གར་ཚད་མར་ཆག་འགྲོ་ལ། ལུས་ཁམས་ཀྱི་འགྱུར་ལྡོག་དེ་དག་གིས་སེམས་ཁྲལ་དང་སུན་སྣང་སོགས་སེམས་ཁམས་མི་ལེགས་པ་འབྱུང་སྲིད།
2.གཟུགས་པོའི་བྱེད་ལས་མྱུར་བར་ཇེ་ཞན་དུ་འགྱུར་བ། གཉིད་ཀྱིས་མ་འདང་ན་རྐྱེན་སྲོལ་མང་པོ་བརྒྱུད་དེ་གཟུགས་པོའི་བྱེད་ལས་ཞན་འགྱུར་དུ་འགྲོ་ཚད་ཇེ་མགྱོགས་སུ་གཏོང་བ་སྟེ། དཔེར་ན་ཤ་གནད་སྤྲི་དཀར་གྲུབ་པར་གེགས་རྐྱེན་ཐེབས་པ་དང་ཤ་གནད་ཇེ་ཉུང་དུ་འགྲོ་བ། ཤ་གནད་ཀྱི་སྟོབས་ཤུགས་ཇེ་ཞན་དུ་འགྲོ་བ། དབང་རྩ་དང་ཤ་གནད་ཀྱི་མཐུན་སྦྱོར་ལ་གནོད་སྐྱོན་ཐེབས་པ། ཀླད་པས་རྐང་ལག་འགུལ་སྐྱོད་ལ་གནད་འཁེལ་ཚོད་འཛིན་བྱེད་མི་ཐུབ་པ་སོགས་ཀྱི་གནད་དོན་འབྱུང་སྲིད་ལ། དུན་ཡུན་རིང་པོར་དེ་ལྟར་གྱུར་ན། རྒན་པ་ཚོ་འགྱེལ་བ་དང་རུས་ཆག་འབྱུང་བའི་ཉེན་ཁ་ཇེ་མཐོར་འགྲོ་བ་རེད། །