མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ཧིན་རྡུ་ཉི་ཞི་ཡཱའི་འཇིགས་སྐུལ་འཇབ་རྒོལ་དོན་རྐྱེན་རབ་དང་རིམ་པར་རྒོལ་གཏམ་དྲག་པོ་བཏང་།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ཚེས་བཅུ་བཞིའི་ཉིན་གསལ་སྒྲོག་སྤེལ་ཏེ། ཉིན་གཉིས་ཀྱི་རིང་ཧིན་རྡུ་ཉི་ཞི་ཡཱ་ནས་བྱུང་བའི་འཇིགས་སྐུལ་འཇབ་རྒོལ་དོན་རྐྱེན་རབ་དང་རིམ་པར་རྒོལ་གཏམ་དྲག་པོ་བཏང་བ་དང་། ཉེས་མེད་འདས་པོའི་ཁྱིམ་མི་དང་ཧིན་རྡི་ཉི་ཞི་ཡཱའི་སྲིད་གཞུང་ལ་སེམས་གཏིང་ནས་འཚམས་འདྲི་བྱས།

བདེ་འཇགས་ལས་འཛིན་ལྷན་ཚོགས་ཀྱི་གསལ་སྒྲོག་ལས་ངེས་པར་དུ་རིགས་དེ་མཚུངས་ཀྱི་འཇིགས་སྐུལ་རིང་ལུགས་བྱ་སྤྱོད་ལག་བསྟར་མཁན་དང་རྩ་འཛུགས་མཁན། དེའི་རོགས་སྐྱོར་མཁན་དང་རྒྱབ་སྐྱོར་མཁན་སོགས་ཁྲིམས་ལ་སྦྱོར་དགོས་པ་ནན་བཤད་བྱས། ཞོར་དུ་རྒྱལ་ཁབ་ཚང་མས་རྒྱལ་སྤྱིའི་བཅའ་ཁྲིམས་དང་བདེ་འཇགས་ལས་འཛིན་ལྷན་ཚོགས་ཀྱི་འབྲེལ་ཡོད་གྲོས་ཆོད་ལས་གཏན་འཁེལ་བྱས་པའི་འོས་འགན་གཞིར་བཟུང་ནས་ཧིན་རྡུ་ཉི་ཞི་ཡཱའི་སྲིད་གཞང་དང་གཞན་པའི་འབྲེལ་ཡོད་ཕྱོགས་བར་མཉམ་ལས་གང་ལེགས་བྱེད་དགོས་པའི་སྐུལ་མ་བཏང་། བདེ་འཇགས་ལས་འཛིན་ལྷན་ཚོགས་ཀྱིས་བསྐྱར་སྒྲོག་བྱས་དོན། རྣམ་པ་གང་རུང་གི་འཇིགས་སྐུལ་རིང་ལུགས་ནི་རྒྱལ་སྤྱིའི་ཞི་བདེ་དང་བདེ་འཇགས་ཐད་ཀྱི་ཆེས་ཚབས་ཆེ་བའི་འཇིགས་ཉེན་ཅིག་ཡིན་པས། རྒྱལ་ཁབ་ཚང་མས་ངེས་པར་དུ་ནུས་ཤུགས་ཡོད་དགུ་བཏོན་ནས་འཇིགས་སྐུལ་རིང་ལུགས་ཀྱི་བྱ་སྤྱོད་ལས་རྒྱལ་སྤྱིའི་ཞི་བདེ་དང་བདེ་འཇགས་ཐད་བཟོས་པའི་འཇིགས་ཉེན་ཚོད་འཛིན་བྱེད་དགོས་ཟེར།

ཚེས་བཅུ་གསུམ་ཉིན་དང་ཚེས་བཅུ་བཞིའི་ཉིན། ཧིན་རྡུ་ཉི་ཞི་ཡཱའི་གྲོང་ཁྱེར་ཆེན་པོ་གཉིས་པ་སི་ཧྲོས་གྲོང་ཁྱེ་ནས་འཇིགས་སྐུལ་འགས་གཏོར་དོན་རྐྱེན་ཐེངས་འགའ་བྱུང་བ་དང་། འཇིགས་སྐུལ་ལག་བསྟར་མཁན་ཚང་མ་ཁྱིམ་ཚང་གི་བཟའ་མི་ཡིན་པ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།