ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ་ལྔ་བའི་ཚེས་བཅུ་བཞི་ཉིན་ནས་ཚེས་བཅུ་དྲུག་ཉིན་བར། མཉམ་འབྲེལ་རྒྱལ་ཚོགས་ཀྱི་ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོའི་དཔལ་འབྱོར་སྤྱི་ཚོགས་ཨུ་ཡོན་ལྷན་ཁང་གི་ལོ་ཚོགས་སྐབས་དོན་བཞི་བ་མན་ཀུའུ་ནས་སྤེལ། མཉམ་འབྲེལ་རྒྱལ་ཚོགས་སྐབས་དོན་གཉིས་པའི་ཀྲུའུ་ཞི་ལེ་ཆཱ་ཁི་དང་། ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོའི་དཔལ་འབྱོར་སྤྱི་ཚོགས་ཨུ་ཡོན་ལྷན་ཁང་གི་ལག་བསྟར་དྲུང་ཡིག་ཨ་ཧི་ཐཱ་ཨར། གཙོ་སྒྲུབ་རྒྱལ་ཁབ་ཐེ་གོའི་ཕྱི་འབྲེལ་བློན་ཆེན་ཏོན། དེ་མིན་ཁོངས་མིའི་འཐུས་མི་སོགས་མི་ལྔ་བརྒྱ་ཙམ་གྲོས་ཚོགས་ལ་ཞུགས། ཀྲུང་གོའི་ཕྱི་འབྲེལ་པུའུ་ཡི་པུའུ་ཀྲང་ལས་རོགས་པ་ཀྲང་ཅོན་གྱིས་འཐུས་ཚབ་ཚོགས་པ་ཁྲིད་དེ་གྲོས་ཚོགས་ལ་ཞུགས།
གྲོས་ཚོགས་ནས་ཉིས་སྟོང་སུམ་ཅུ་ལོའི་རྒྱུན་མཐུད་འཕེལ་རྒྱས་གྲོས་རིམ་གྱི་རྒྱབ་ལྗོངས་འོག་གི་འདྲ་མཉམ་མིན་པའི་གནད་དོན་སོགས་གྲོས་གཞིར་དཔྱད་གླེང་བྱས་པར་མ་ཟད། ཕྱོགས་མང་རིང་ལུགས་དང་མདུན་གྲལ་ཚན་རྩལ་སོགས་གྲོས་གཞིར་ཆེད་དོན་གྲོས་བསྡུར་བྱས།
གྲོས་ཚོགས་ཀྱི་སྐབས་སུ། ཀྲང་ཅོན་གྱིས་ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོའི་དཔལ་འབྱོར་སྤྱི་ཚོགས་ཨུ་ཡོན་ལྷན་ཁང་གི་ལག་བསྟར་དྲུང་ཡིག་ཨ་ཧི་ཐཱ་ཨར་ལ་ཐུག་འཕྲད་བྱས་ཏེ། ཀྲུང་གོ་དང་ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོའི་དཔལ་འབྱོར་སྤྱི་ཚོགས་ཨུ་ཡོན་ལྷན་ཁང་གི་མཉམ་ལས་དང་། ཉིས་སྟོང་སུམ་ཅུ་ལོའི་རྒྱུན་མཐུད་འཕེལ་རྒྱས་ཀྱི་གྲོས་རིམ་དངོས་འབེབ་བྱེད་པའི་ཐད་ནས་བསམ་འཆར་བརྗེ་རེས་བྱས། །