མདུན་ཤོག- གནས་སྐོར།- གནའ་ཤུལ་གྲགས་ཆེན།

ཡིད་དབང་འཕྲོག་པའི་ལྷ་སྒང་རྩྭ་ཐང་།

  རྩོམ་ཁུངས། ཁམས་པའི་དྲ་བ།  2011-01-14 16:48


ལྷ་སྒང་རྩྭ་ཐང་།

 ལྷ་སྒང་རྩྭ་ཐང་ནི་དར་མདོ་རྫོང་གི་གྲོང་ཁུལ་ནས་ལེ་བར110ཡོད་ཅིང་།ལྷ་སྒང་གི་མཛེས་ལྗོངས་གཙོ་བོ་ཁྲོན་བོད་གཞུང་ལམ་གྱི་ཕྱོགས་གཉིས་སུ་གནས་ཡོད་པ་དང་།ཆུ་བོ་དང་རྩྭ་ཐང་།ནགས་ཚལ་དང་གངས་རི།དགོན་པ་བཅས་ཀྱིས་ཕྱུགབོད་རིགས་ཀྱི་ཁྱད་ཆོས་ལྡན་པའི་བཟོ་བཀོད་དང་བོད་སྲོལ་གྱི་ཁྱད་ལུགས་སོགས་མཛེས་སྡུག་ལྡན་ལ་ཡིད་དབང་འཕྲོག་པའི་མཐོ་སྒང་གི་མཛེས་རྩལ་རི་མོ་ཞིག་ཆགས་ཡོད་པ་རེད།ལྷ་སྒང་ཞེས་པ་ནི་ཁམས་བོད་ཡུལ་གྲུ་ཀུན་ལ་སྐད་གྲགས་ལྡན་པའི་གནས་མཆོག་ཅིག་ཡིན་པ་དང་བོད་རིགས་ཆོས་དད་པ་ཚོའི་ཡིད་སྨོན་བྱེད་པའི་དགོན་གནས་ཤིག་ཡིན།བཤད་སྲོལ་དུ་རྒྱ་བཟའ་ཀོང་ཇོ་བོད་དུ་བྱོན་སྐབས་ཡུལ་འདིར་བཞུགས་ཏེ་ཇོ་བོ་ཤྰཀྱ་མུ་ནེའི་ཞལ་སྐྱིན་དུ་ཇོ་བོ་འདི་བཞེངས་པར་གྲགས།ཆོས་བརྒྱུད་ཐོག་མར་བཀའ་བརྒྱུད་པ་ཡིན་ཞིང་ཕྱིས་སུ་ས་སྐྱ་པ་ལ་གྱུར་བ་བོད་ཀྱི་ལོ་རྒྱུས་ཡིག་ཆ་ཐོག་བཀོད་ཡོད་དོ།
  དེང་སང་ལྷ་སྒང་རྩྭ་ཐང་དེ་རྒྱལ་ཁབ་ཕྱི་ནང་གི་ཡུལ་སྐོར་བ་ཚོས་གནས་མཇལ་དང་སྤང་སྐྱིད་གཏོང་སའི་གནས་མཆོག་ཅིག་ཏུ་གྱུར་པ་རེད།ལོ་རེའི་ཟླ7པ་དང8པའི་བར་དེ་རུ་སྤང་སྐྱིད་གཏོང་བའི་བྱ་སྒོ་སྤེལ།དེ་དུས་སྤང་ཐོག་གི་གུར་རྣམས་ནམ་མཁའི་སྐར་ཚོགས་ལྟར་བཀྲ་ལ་བོད་རིགས་མི་དམངས་ཚོས་གླུ་ལེན་བྲོ་འཁྲབ་བྱས་ནས་སྤྲོ་སྐྱིད་ཀྱི་འཚོ་བར་རོལ་པ་རེད།  །