མདུན་ཤོག- པར་མཛོད།- གནས་སྐོར་འདྲ་པར།

བོད་ལྗོངས་ཀྱི“ཕོ་བྲང་པོ་ཏ་ལ་གསུམ།”

  རྩོམ་ཁུངས། མཚོ་སྔོན་པོ་དྲ་བ།  2011-01-14 16:49

ཕོ་བྲང་པོ་ཏ་ལ་ནི་སྤྱི་ལོ་དུས་རབས7པར་བཞེངས་པ་དང་ད་ལྟའི་བར་དུ་ལོ་ངོ1300ལྷག་ཙམ་གྱི་ལོ་རྒྱུས་ཡོད། འཛུགས་སྐྲུན་དེའི་སྤྱིའི་རྒྱ་ཁྱོན་ལ་སྨིས་གྲུ་བཞི་མ་ཁྲི36ལྷག་ཙམ་ཡོད་པ་དང་། ཤར་ནུབ་ཀྱི་རིང་ཚད་ལ་སྨིས360ཡོད་ལ། ལྷོ་བྱང་གི་ཞེང་ཚད་ལ་སྨིས170ཡོད། འཛུགས་སྐྲུན་དེ་ནི་འཛམ་གླིང་ཐོག་རྒྱ་མཚོའི་ངོས་ལས་ས་བབ་མཐོ་ཤོས་ཡིན་པའི་ཕོ་བྲང་དང་མཁར་རྫོང་། དགོན་པ་བཅས་ངོ་བོ་གཅིག་ཏུ་འདྲེས་ཡོད་ལ་བརྗིད་ཆགས་ཉམས་དགའི་འཛུགས་སྐྲུན་ཞིག་ཡིན། ཕོ་བྲང་པོ་ཏ་ལ་དེ་ཉིད་སྤྱི་ལོ1994ལོར་མཉམ་འབྲེལ་རྒྱལ་ཚོགས་ཀྱི་སློབ་གསོ་དང་ཚན་རྩལ་རིག་གནས་སྒྲིག་འཛུགས་ཀྱིས“འཛམ་གླིང་རིག་གནས་ཤུལ་བཞག”ནང་ཐོ་འགོད་བྱས་པ་དང་། རྒྱལ་ཁབ་ཀྱིས་མ་དངུལ་འབོར་ཆེན་བཏང་ནས་གཞི་ཁྱོན་ཆེ་བའི་ཉམས་གསོ་ཐེངས་གཉིས་པ་བྱས་པ་རེད།   

བསམ་གྲུབ་རྩེ་མཁར་རྫོང་ལ་ལོ་ངོ600ལྷག་ཙམ་གྱི་ལོ་རྒྱུས་ཡོད་པ་དང་གཞིས་རྩེ་ས་ཁུལ་གྱི་འཛུགས་སྐྲུན་ཆེས་སྔ་ཤོས་ཀྱི་གྲས་ཤིག་ཡིན། སྤྱི་ལོ1363ལོར་འཛུགས་སྐྲུན་བྱས་རྗེས་དུས་རབས་ཀྱི་རླབས་རྒྱུན་དྲག་པོ་དང་མིས་བཟོས་གཏོར་སྐྱོན་འོག་དུས་རབས་གཅིག་རིང་ཁང་གོག་གྱང་ཧྲུལ་ལས་ལྷག་མེད། སྤྱི་ལོ2004ལོའི་ལོ་མཇུག་ནས་བཟུང་། བསམ་གྲུབ་རྩེ་མཁར་རྫོང་བསྐྱར་སྐྲུན་བྱས་པ་དང་།བསྐྱར་སྐྲུན་བྱས་རྗེས་ཀྱི་བསམ་གྲུབ་རྩེ་མཁར་རྫོང་སྟེ“པོ་ཏ་ལ་ཆུང་བ”དེ་ཉིད་གཙང་ཁུལ་རིག་གནས་ཀྱི་འགྲེམ་སྟོན་ལྟེ་གནས་སུ་གྱུར་ཡོད།  

བོད་ལྗོངས་ནག་ཆུ་ས་ཁུལ་སོག་རྫོང་གི“ཕོ་བྲང་པོ་ཏ”ལ་སྟེ་བཙན་སྡེ་དགོན་དེ་སོག་རྫོང་གི་ལྷོ་སྣེའི་རི་བོ་ཆུང་ཆུང་ཞིག་གི་སྟེང་གནས་ཡོད་པའི་བོད་བརྒྱུད་ནང་བསྟན་དགེ་ལུགས་པའི་དགོན་པ་གྲགས་ཅན་ཞིག་ཡིན་པ་དང་། བཙན་སྡེ་དགོན་དེ་སྤྱི་ལོ1662ལོར་བཞེངས་པ་དང་།སྤྱི་ལོ1985ལོར་རྒྱལ་ཁབ་ཀྱིས་མ་དངུལ་བཏང་ནས་བསྐྱར་སྐྲུན་བྱས་པ་རེད། དགོན་པ་དེ་རི་བོའི་སྟེང་དུ་ཆགས་ཡོད་པ་དང་།ཕོ་བྲང་ལ་དཀར་པོ་དང་དམར་པོ་གཉིས་ལས་གྲུབ་པས་འཛུགས་སྐྲུན་ཀྱི་རྣམ་པའི་ཐད་ལྷ་སའི་ཕོ་བྲང་པོ་ཏ་ལ་དང་ཧ་ཅང་འདྲ་པོ་ཡོད།