ཀྲུང་གོ་བོད་ཀྱི་དྲ་བའི་འཕྲིན། དབྱར་ཚུགས་རྗེས་ཀྱི་ཁ་བ་ཐེངས་གཅིག་བབས་པ་དང་བསྟུན་བདེ་ཆེན་མཐོ་སྒང་དུ་དབྱར་གྱི་རྣམ་པ་ཡོངས་སུ་མངོན་ཞིང་། ནགས་ཕག་མཚོ་འགྲམ་རྒྱུད་དུ་ལྷག་ཏུ་དབྱར་ཁའི་རྣམ་པ་ཤར་ནས་དྭངས་གསལ་གྱི་གཙང་ཆུ་དང་། གཡུ་མདོག་གི་རྩྭ་ཐང་། ད་རུང་རྩྭ་ཐང་གི་ནོར་ལུག་གིས་མཐོ་སྒང་གི་ཐུན་མོང་མ་ཡིན་པའི་མཛེས་ལྗོངས་ཞིག་གྲུབ་ནས། ཕྱོགས་བཞི་མཚམས་བརྒྱད་ནས་ཡོང་བའི་ཡུལ་སྐོར་བ་གནས་དེར་བསྐྱོད་པར་ཡིད་སེམས་བཀུགས་ཡོད། “ལྔ་གཅིག”གུང་གསེང་སྔ་མོ་ནས་མཇུག་རྫོགས་ཀྱང་ནགས་ཕག་མཚོ་འགྲམ་རྒྱུད་དུ་ཡུལ་སྐོར་བ་སྔར་ལས་མང་དུ་ཕྱིན་ནས། ཡུལ་སྐོར་བ་མང་པོས་གནས་འདིའི་རྩྭ་ཐང་གི་མཛེས་ལྗོངས་རོལ་མྱོང་བྱེད་བཞིན་ཡོད། །