ཀྲུང་གོ་བོད་ཀྱི་དྲ་བའི་འཕྲིན། དཔྱིད་གསར་དུས་ཆེན་གུང་གསེང་རིང་ཁྱིམ་མི་དང་གྲོགས་པོ་ཚོ་དང་མཉམ་དུ་ཆུ་ཚན་ནང་དུ་འཛུལ་བ་དེ་བདེ་ཆེན་མང་ཚོགས་ཀྱིས་དུས་ཆེན་རོལ་བའི་མཛད་སྒོ་ལྟ་བུར་གྱུར་ཡོད། ཉེ་བའི་ལོ་འགའི་རིང་ཆུ་ཚན་དཔལ་འབྱོར་འཕེལ་རྒྱས་བྱུང་བ་དང་བསྟུན། མང་ཚོགས་ཆུ་ཚན་ནང་དུ་འཛུལ་རྒྱུ་དེ་ནི་མི་རྣམས་ཀྱིས་སྤྲོ་གསེང་བྱེད་པའི་ཐབས་ཤིག་ཏུ་གྱུར་ཡོད། རྒྱ་ལོ་ཚེས་ལྔ་ལ་ཐན་ཧྲིན་ཟམ་པའི་ཆུ་ཚན་ནང་དུ་མང་ཚོགས་ཀྱིས་འདུ་འཛི་ཆེ་བ་དང་། ཕོ་མོ་རྒན་གཞོན་རྣམས་དགའ་དགའ་སྤྲོ་སྤྲོའི་ངང་ལོ་སར་གྱི་དུས་ཆེན་ལ་རོལ་བཞིན་ཡོད། །