པར་འདི་ནི་མདའ་རྩལ་འགྲན་པའི་བྱ་འགུལ་གྱི་ཡུལ་དངོས་རེད།
ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས9ཉིན། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་བདེ་ཆེན་རྫོང་གིས་སྐབས་བཞི་བའི་གེ་སར་མདའ་རྩལ་དུས་ཆེན་གཟབ་རྒྱས་ངང་བསྡུས་ཤིང་། རྫོང་ཡོངས་ཀྱི་མདའ་འཕེན་རུ་ཁག500ཙམ་བྱ་འགུལ་ནང་ཞུགས་པ་དང་། ཤེས་རྟོགས་བྱུང་བར་གཞིགས་ན། མདའ་རྩལ་དུས་ཆེན་ནི་བདེ་ཆེན་རྫོང་གིས་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་འཁོར100ལོན་པར་རྟེན་འབྲེལ་ཞུ་བའི་བྱ་འགུལ་ཁྲོད་ཀྱི་གཅིག་ཡིན་ལ། དེའི་དམིགས་ཡུལ་གཙོ་བོ་ནི་མི་རིགས་ལུས་རྩལ་ལས་དོན་ལ་ཤུགས་བསྣན་པའི་ཆེད་ཀྱང་ཡིན། །