ཀྲུང་གོ་བོད་ཀྱི་དྲ་བའི་འཕྲིན། ཟླ་12པའི་ཚེས་7ཉིན་ནས་ཚེས་8ཉིན་གྱི་བར་དུ། སེམས་ཀྱི་ཉི་ཟླའི་དགུན་དུས་ཀྱི་ཡུལ་སྐོར་ལམ་ཐིག་སྤུས་གཙང་གི་འོས་སྦྱོར་ཚོགས་འདུ་དེ་ཁྲེང་ཏུའུ་ཁོན་ཀྲའེ་སྲང་ལམ་གྱི་ཐང་ཆེན་དང་ཁྲུང་ཆིང་བཅིངས་འགྲོལ་རྡོ་རིང་གི་རྐང་ཐང་ཁྲོམ་ལམ་དུ་དུས་ཡུན་ཉིན་2རིང་གི་ལམ་འཁྲབ་བྱས། ཡུལ་དངོས་སུ་སེམས་ཀྱི་ཉི་ཟླའི་ཡུལ་སྐོར་ལམ་ཐིག་སྤུས་གཙང་དང་དགུན་དུས་ཀྱི་ཡུལ་སྐོར་ཐོན་རྫས་འགྲེམ་སྤེལ་བྱས་ནས་ས་གནས་དེ་གཉིས་གའི་གྲོང་མི་དང་རྒྱལ་ཁབ་ཕྱི་ནང་གི་མགྲོན་པོ་རྣམས་ལ་གདན་ཞུ་བྱས་པ་རེད།
ཐེངས་འདིའི་བྱེད་སྒོ་ནི་སྔར་ལས་ལྷག་པར་བདེ་ཆེན་གྱི་ཡུལ་སྐོར་ཐོན་རྫས་དང་ཡུལ་སྐོར་ལམ་ཐིག་དྲིལ་བསྒྲགས་དང་སྐུལ་ཚོང་བྱེད་པ་དང་། མཐའ་འཁོར་གྱི་གྲོང་ཁྱེར་བར་མཐུན་སྦྱོར་དང་མཉམ་ལས་བྱེད་ཤུགས་ཆེར་གཏོང་བ། ཕྱོགས་ཡོངས་ནས་བདེ་ཆེན་སེམས་ཀྱི་ཉི་ཟླའི་དམིགས་གསལ་གྱི་རང་བྱུང་ཐོན་ཁུངས་དང་མི་ཆོས་མཛེས་ལྗོངས་མངོན་ནས་ནུས་ལྡན་སྒོས་བདེ་ཆེན་སེམས་ཀྱི་ཉི་ཟླའི་སྤུས་རྟགས་ཀྱི་སྐད་གྲགས་ཚད་མཐོར་གཏོང་བའི་ཆེད་དུ་ཡིན།
ཟླ་12པ་ནས་བཟུང་། བདེ་ཆེན་གྱིས་སེམས་ཀྱི་ཉི་ཟླའི་སྐབས་བཞི་པའི་དགུན་དུས་ཀྱི་རྒྱལ་སྤྱིའི་བྱ་གཟིགས་དུས་ཆེན་དང་འཛམ་གླིང་གི་སེམས་ཀྱི་ཉི་ཟླའི་དགུན་དུས་པར་ལེན་ཡུལ་སྐོར་སོགས་ཀྱི་བྱེད་སྒོར་བཏོན་རྒྱུ་རེད།
བྱེད་སྒོའི་ཡུལ་དངོས་སུ་ལྟད་མོ་བ་རྣམས་ཀྱིས་བདེ་ཆེན་གྱི་དངོས་མིན་རིག་གནས་ཤུལ་བཞག་མྱོང་ཚོར་བྱས་པ་དང་ས་གནས་ཀྱི་ཁྱད་ཆོས་ལྡན་པའི་གླུ་གར་འཁྲབ་སྟོན་ལ་རོལ་མྱོང་བྱས་པ་རེད།