ཧྲང་ཧའེ་ནས་སེམས་ཀྱི་ཉི་ཟླའི་དངོས་མིན་རིག་གནས་ཤུལ་བཞག་འགྲེམ་སྟོན་བྱས།

1.jpg

ཀྲུང་གོ་བོད་ཀྱི་དྲ་བའི་འཕྲིན། ཟླ10པའི་ཚེས16ཉིན་ནས་ཚེས17ཉིན་གྱི་བར་དུ།  སེམས་ཀྱི་ཉི་ཟླ་གྲོང་ཁྱེར་གྱི་དངོས་མིན་རིག་གནས་ཤུལ་བཞག་དྲིལ་བསྒྲགས་འགྲེམ་སྟོན་བྱེད་སྒོ་ཧྲང་ཧའེ་རུ་སྤེལ་བ་དང་།  ཧྲང་ཧའེ་ཡི་གྲོང་མི་དང་ཡུལ་སྐོར་བ་རྣམས་ལ་སེམས་ཀྱི་ཉི་ཟླའི་ཕུན་སུམ་ཚོགས་པའི་རིག་གནས་ཡུལ་སྐོར་ཐོན་ཁུངས་དང་གྲངས་ཉུང་མི་རིགས་ཀྱི་ཡུལ་སྲོལ་གོམས་གཤིས་སྣ་མང་འགྲེམ་སྟོན་བྱས་པ་རེད།

2.jpg

བྱེད་སྒོར་སེམས་ཀྱི་ཉི་ཟླ་གྲོང་ཁྱེར་གྱི་དངོས་མིན་རིག་གནས་ཤུལ་བཞག་ཁྲོད་ཀྱི་གླུ་གར་འགྲེམ་སྟོན་དང་སྲོལ་རྒྱུན་བཟོ་རྩལ་འགྲེམ་སྟོན་ཁག་གཉིས་ཡོད་པ་དང་།  ཐེངས་འདིའི་བྱེད་སྒོར་གྲོང་ཁྱེར་ཡོངས་ནས་མི་རིགས་སོ་སོ་དང་ཤང་གྲོང་ཁག་ནས་འཐུས་ཚབ་རང་བཞིན་དང་ཤུགས་རྐྱེན་ནུས་པ་ལྡན་པ།  དེ་མིན་སེམས་ཀྱི་ཉི་ཟླ་གྲོང་ཁྱེར་གྱི་མི་རིགས་སོ་སོའི་མང་ཚོགས་ཀྱི་གཟུགས་བརྙན་ལེགས་པོ་དང་བསམ་པའི་རྣམ་པ་མཚོན་ཐུབ་པའི་སྲོལ་རྒྱུན་བཟོ་རྩལ་སྣ10དང་གླུ་གར་འཁྲབ་ཚན་ཁག་10བདམས་ནས་འགྲེམ་སྟོན་བྱས་པ་རེད། 

3.jpg

དངོས་མིན་རིག་གནས་ཤུལ་བཞག་གི་གླུ་གར་འགྲེམ་སྟོན་ཁྲོད་རྒྱལ་ཐང་སྐོར་བྲོ་དང་ཉི་ཤར་བྱམས་གླུ  ལྔ་ཤོག་གི་རལ་པ་སོགས་འཁྲབ་སྟོན་བྱས་པ་དང་། སྲོལ་རྒྱུན་བཟོ་རྩལ་འགྲེམ་སྟོན་ཁྲོད་རྫ་ནག་གི་བཟོ་རྩལ་དང་བོད་སྤོས་ཀྱི་བཟོ་རྩལ།  ནས་ཆང་། ཐང་ག་སོགས་འགྲེམ་སྟོན་བྱས་ཡོད་དེ་ཡུལ་དངོས་ཀྱི་མི་མང་པོའི་ཡིད་དབང་འཕྲོག་ཡོད།

4.jpg

5.jpg

རྩོམ་སྒྲིག་པ། ཀླུ་འབུམ་ཚེ་རིང་།

དཔྱད་མཆན 0 ཡོད།