ཀྲུང་གོ་བོད་ཀྱི་དྲ་བའི་འཕྲིན། ཉེ་སྔོན། ཁུན་མིང་ལྕགས་ལམ་ཅུས་ཏང་ཨུའི་ཧྲུའུ་ཅི་གཞོན་པ་ཀྲང་ཚའེ་ཁྲུན་གྱིས་གསེར་མདོག་གི་སྐུད་ལམ་ཞེས་པའི་ལེ་ཚན་ནང་“སྔོན་རྩིས་བྱས་ན་ཕལ་ཆེར་2020ལོར། ཁུན་མིང་དང་ཏ་ལི། ས་དམ་དང་སེམས་ཀྱི་ཉི་ཟླའི་འགྲོ་ལམ་ཧྲིལ་པོར་ལྕགས་ལམ་ཤར་གཏོང་ཐུབ་པ་མངོན་འགྱུར་བྱུང་རྒྱུ་ཡིན་པ་དང་། སྐབས་དེར་མེ་འཁོར་བསྡད་ནས་སེམས་ཀྱི་ཉི་ཟླར་འགྲོ་ཆོག་པ་རེད”ཅེས་བཤད་པ་རེད།

ས་དམ་ནས་སེམས་ཀྱི་ཉི་ཟླ་བར་གྱི་ལྕགས་ལམ་ནི་2014ལོར་འཛུགས་སྐྲུན་གྱི་འགོ་ཚུགས་པ་ཡིན་ལ། ལྷོ་ཕྱོགས་ཀྱི་ཏ་ལིའི་ལྕགས་ལམ་གྱི་ས་དམ་ལྷོ་ཕྱོགས་འབབ་ཚུགས་ནས་འགོ་ཚུགས་པ་དང་། བྱང་ཕྱོགས་སུ་འབྲི་ཆུ་ལས་བརྒལ་ཏེ། ཡང་ཐང་བརྒྱུད་ནས་སེམས་ཀྱི་ཉི་ཟླར་སླེབས་པ་རེད། ལྕགས་ལམ་འདིའི་སྤྱིའི་རིང་ཚད་ལ་སྤྱི་ལེ་139.666ཡོད་ལ། བདེ་ཆེན་ནང་ཁུལ་དུ་སྤྱི་ལེ་89ཡོད། ཟམ་པ་དང་ཕུག་ལམ་གྱི་བསྡུར་ཚད་ནི་73% ཟིན། རིམ་པ་དང་པོའི་གཅིག་ལམ་ལྕགས་ལམ་ཡིན་ལ། འཛུགས་སྐྲུན་གྱི་ལས་ཡུན་ནི་ལོ་6ཡིན་པ་རེད། མེ་འཁོར་གཏོང་ཚད་ནི་ཆུ་ཚོད་རེར་སྤྱི་ལེ་120ཇུས་འགོད་བྱས་ཡོད། ལམ་ཐིག་གིས་ས་དམ་ལྕགས་ལམ་ལ་སྣེ་མཐུད་བྱེད་རྒྱུ་ཡིན་པ་མ་ཟད། ལྕགས་ལམ་དེ་བརྒྱུད་ནས་ཀོང་ཐུང་ནས་ཏ་ལི་བར་གྱི་ལྕགས་ལམ་དང་ཁྲེང་ཏུའུ་ནས་ཁུན་མིང་བར་གྱི་ལྕགས་ལམ་ལ་མཐུད་པས། རང་རྒྱལ་གྱི་དུས་ཡུན་རིང་བ་དང་འབྲིང་བའི་ལྕགས་ལམ་དྲ་བའི་འཆར་གཞི་ཁྲོད་ཀྱི་ནུབ་ཕྱོགས་ལམ་དྲའི་གྲུབ་ཆ་ གལ་ཆེན་ཞིག་ཡིན་པ་རེད།

ས་དམ་ནས་སེམས་ཀྱི་ཉི་ཟླ་བར་གྱི་ལྕགས་ལམ་ནི་རང་ཁུལ་གྱི་མི་རིགས་སོ་སོའི་མི་དམངས་ཀྱིས་ཡུན་རིང་རེ་སྒུག་བྱས་པའི“བདེ་སྐྱིད་ཀྱི་ལམ་བུ”ཡིན་ལ། ལྕགས་ལམ་འཛུགས་སྐྲུན་གྱིས་བདེ་ཆེན་གྱི་འགྲིམ་འགྲུལ་ཆ་རྐྱེན་དང་མ་རྩ་འཇོག་པའི་ཁོར་ཡུག སྐྱེ་ཁམས་ཁོར་ཡུག་སྲུང་སྐྱོང་སོགས་ལ་འགྱུར་ལྡོག་གཏོང་བར་གལ་ཆེའི་དོན་སྙིང་ལྡན་ཡོད་པ་རེད། མིག་སྔར། ལྕགས་ལམ་གྱི་ཚན་པ་ཁག་གི་འཛུགས་སྐྲུན་བྲེལ་མྱུར་དང་གོ་རིམ་ལྡན་པའི་ངང་སྐུལ་འདེད་གཏོང་བཞིན་པའི་སྒང་ཡིན།  །

རྩོམ་སྒྲིག་པ། ཚེ་མཁར་རྒྱལ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

བདེ་ཆེན་ཁུལ་གྱི་གྱོན་གོས་གསུམ་ལ་ཁམས་པའི་ཕུལ་བྱུང་གྱོན་གོས་ལ་བདམས་པ།

བདེ་ཆེན་ཁུལ་གྱི་རིམ་པ་སོ་སོའི་སྡེ་ཁག་གིས་ལོ་སར་སྐབས་ཀྱི་འཚམས་འདྲི་བྱ་འགུལ་སྤེལ་བ།

སྟག་མཆོང་གྲོག་རོང་ཡུལ་ལྗོངས་ཁུལ་གྱིས་གནས་སྐོར་བ་མི་ཐེངས10905སྣེ་ལེན་བྱས་ཏེ་ཟིན་ཐོ་གསར་བ་སྐྲུན།

ཀྲུང་གོའི་གོ་མིན་ཏང་གི་མཚན་འཛིན་ཀྲུའུ་ཞི་ལེན་ཀྲན་བདེ་ཆེན་ཁུལ་དུ་འཚམས་འདྲི་ཕེབས་པ།

ཡུན་ནན་ཡུས་ལིང་ས་ཁུལ་དུ་ས་འགུལ་བྱུང་བ་ལས་ཀོས་ཀྲུག་ཞིང་ཆེན་པའེ་ཧ་གྲོང་ཁྱེར་གྱི་མང་ཚོགས་ཁྲི2.8ལ་གནོད་འཚེ་ཐེབས།

སེམས་ཀྱི་ཉི་ཟླ་རྫོང་གི་ཆེས་མཛེས་སྡུག་ལྡན་པའི་ཡུལ་ལྗོངས་ཏེ་པོ་ཏ་མཚེའུ།

བདེ་ཆེན་བོད་རིགས་རང་སྐྱོང་ཁུལ་གླུ་གར་ཚོགས་པས་ཐའེ་བན་ས་ཁུལ་དུ་སྐོར་སྐྱོད་འཁྲབ་སྟོན་བྱེད་བཞིན་ཡོད་པ།

ཧྲང་ཧེ་ཏང་སྲིད་འཐུས་ཚབ་ཚོགས་པས་བདེ་ཆེན་ཁུལ་དུ་བརྟག་དཔྱད་ཞིབ་འཇུག་བྱས་པ།