མདུན་ཤོག- གསར་འགྱུར།- ཡུལ་གྲུའི་གསར་འགྱུར།- ཡུན་ནན།

བདེ་ཆེན་ཁུལ་སྤྱི་ཁྱབ་བཟོ་ཚོགས་ཀྱིས“སྟོན་ཁའི་སློབ་ཞུགས་རོགས་སྐྱོར”བྱ་འགུལ་སྤེལ་བ།

རྩོམ་པ་པོ། ཚེ་རིང་རྒྱ་མཚོས་བསྒྱུར།  ཡོང་ཁུངས། ཀྲུང་གོ་བོད་ཀྱི་དྲ་བ།  2014-09-16 10:27

ཀྲུང་གོའི་བོད་ཀྱི་དྲ་བའི་འཕྲིན། ཉེ་ལམ། ཡུན་ནན་ཞིང་ཆེན་སྤྱི་ཁྱབ་བཟོ་ཚོགས་ཀྱིས“སྟོན་ཁའི་སློབ་ཞུགས་རོགས་སྐྱོར”བྱ་འགུལ་སྤེལ་དགོས་པའི་བརྡ་སྦྱོར་ལྟར། བདེ་ཆེན་ཁུལ་སྤྱི་ཁྱབ་བཟོ་ཚོགས་ཀྱིས“སྟོན་ཁའི་སློབ་ཞུགས་རོགས་སྐྱོར”བྱ་འགུལ་སྤེལ་བ་དང་།  ཁུལ་རིམ་པའི་ལས་བཟོ་བ་དབུལ་བོའི་བུ་བུ་མོ་དང་ཁྱིམ་བདག་རྣམས་བྱ་འགུལ་ལ་ཞུགས།

ཞིང་ཆེན་དང་ཁུལ་རིམ་པའི་སྤྱི་ཁྱབ་བཟོ་ཚོགས་ཀྱིས་ལས་བཟོ་བ་དབུལ་བོའི་ཡིག་ཚགས་ཚད་ལྡན་དུ་གཏོང་དགོས་པའི་བླང་བྱ་ལྟར། ཁུལ་ཡོངས་ཀྱི་རིམ་པ་སོ་སོའི་བཟོ་ཚོགས་ཀྱིས་སྙན་ཞུ་ཕུལ་བའི་སྒྲིག་རིམ་ནན་མོ་བཟུང་བ་དང་།  ཞིབ་བཤེར་ནན་མོ་བྱེད་པ་སོགས་ཟླ་གཉིས་རིང་གི་བརྟག་དཔྱད་བྱས་པ་དང་སྤྱི་ཚོགས་ཡོངས་ལ་སྤྱི་བསྒྲགས་བྱས་པ་བརྒྱུད། “སྟོན་ཁའི་སློབ་ཞུགས་རོགས་སྐྱོར”ཆོག་མཆན་ཡིག་ཚགས་ཚད་ལྡན་དུ་བཏང་།  ཁུལ་ཡོངས་ནས་བསྡོམས་པས་ལས་བཟོ་བ་དཀའ་ཁག་ཅན49དང་ཡུལ་མི་ལས་བཟོ་བ18། ལས་ཤོར་ལས་བཟོ་བ29བཅས་ཀྱི་བུ་བུ་མོར་སློབ་ཞུགས་ཁ་གསབ་རོགས་སྐྱོར་མ་དངུལ་སྒོར་ཁྲི28.45བཏང་ཞིང་།  དེའི་ནང་ཀྲུང་དབྱང་གིས་ལས་བཟོ་བ་དཀའ་ཁག་ཅན31ཡི་བུ་བུ་མོར་སྒོར་ཁྲི10དང་།  ཞིང་ཆེན་ནོར་སྲིད་ཀྱིས་ལས་བཟོ་བ་དཀའ་ཁག་ཅ30ཡི་བུ་བུ་མོར་སྒོར་ཁྲི10། ས་གནས་ནོར་སྲིད་ཀྱིས་ལས་བཟོ་བ་དཀའ་ཁག་ཅན16གི་བུ་བུ་མོར་སྒོར་ཁྲི4.55།  བཟོ་ཚོགས་ཕྱོགས་ཀྱིས་ལས་བཟོ་བ་དཀའ་ཁག་ཅན26གི་བུ་བུ་མོར་སྒོར་ཁྲི3.9བཅས་རོགས་སྐྱོར་བྱས།

སློབ་ཞུགས་རོགས་སྐྱོར་བྱ་འགུལ་ཁྲོད།  ཁུལ་དང་རྫོང་སྤྱི་ཁྱབ་བཟོ་ཚོགས་ཀྱི་འགོ་ཁྲིད་པས་རོགས་སྐྱོར་ཐོབ་པའི་སློབ་མར་རེ་བ་ནན་མོ་བཏོན་པ་དང་།  ཁོ་ཚོས་སྤྱི་ཚོགས་ཀྱི་བྱམས་བརྩེ་ཕུལ་བར་སློབ་སྦྱོང་ལ་འབད་པ་བྱེད་པའི་སྒུལ་ཤུགས་སུ་བསྒྱུར་ནས།  སློབ་སྦྱོང་ལ་འབད་པ་བྱེད་པ་དང་མ་འོངས་བར་མཛེས་སྡུག་ལྡན་པའི་ཕ་ཡུལ་གསར་སྐྲུན་བྱེད་པར་བྱས་རྗེས་འཇོག་པ་དང་།  གྲུབ་འབྲས་ལེགས་པོ་བླངས་པ་དང་ནུས་རྩལ་ལེགས་པོ་སྦྱང་ནས་ཏང་དང་སྲིད་གཞུང་། སྤྱི་ཚོགས་སྟེང་གི་ལས་རིགས་སོ་སོས་ཐུགས་ཁུར་དང་རོགས་སྐྱོར་ལ་བཀའ་དྲིན་ཞུ་དགོས་པར་བསྟན།  །  

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག