ཀྲུང་གོའི་བོད་ཀྱི་དྲ་བའི་འཕྲིན། ཉེ་ལམ། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་ཡོངས་ཀྱི་བོད་བརྒྱུད་ནང་བསྟན་ཆོས་ལུགས་ཀྱི་གྲྭ་བཙུན་གསོ་སྦྱོང་འཛིན་གྲྭ་སེམས་ཀྱི་ཉི་ཟླ་རྫོང་དུ་སློབ་སྦྱོང་བྱེད་འགོ་བརྩམས་པའི་མཛད་སྒོ་བསྡུས་ཤིང་། བདེ་ཆེན་ཁུལ་སྲིད་གྲོས་ཀྱི་ཀྲུའུ་ཞི་གཞོན་པའམ། བདེ་ཆེན་ཁུལ་ནང་བསྟན་མཐུན་ཚོགས་ཀྱི་ཚོགས་གཙོ་བསྟན་འཛིན་ཆོས་འཕེལ་འཛིན་གྲྭ་སློབ་སྦྱོང་བྱེད་འགོ་བརྩམས་པའི་མཛད་སྒོ་སྟེང་ཞུགས་པ་མ་ཟད་གཏམ་བཤད་གནང་།
བསྟན་འཛིན་ཆོས་འཕེལ་གྱིས་མིག་སྔར་བདེ་ཆེན་ཁུལ་གྱི་སྤྱི་ཚོགས་དཔལ་འབྱོར་ལ་འཕེལ་རྒྱས་ཆེན་པོ་བྱུང་ཡོད་པ་དང་། རྒྱ་ཆེའི་མི་དམངས་མང་ཚོགས་ཀྱི་འཚོ་བའི་ཆ་རྐྱེན་ཉིན་རེར་ཇེ་ལེགས་སོ་འགྲོ་བཞིན་ཡོད་པ་མ་ཟད། ཁུལ་ཡོངས་ཀྱི་བྱ་གཞག་སོ་སོ་ཀྱང་ཉིན་རེར་ཡར་ཐོན་དུ་འགྲོ་བཞིན་ཡོད། ཐེངས་འདིའི་གསོ་སྦྱོང་འཛིན་གྲྭ་བསྡུས་པ་དེས་གྲྭ་བཙུན་རྣམས་ལ་བདེ་ཆེན་ཁུལ་གྱི་སྤྱི་ཚོགས་དཔལ་འབྱོར་འཕེལ་རྒྱས་ཀྱི་གནས་ཚུལ་མཚམས་སྦྱོར་བྱས་ཏེ། སྔར་ལས་ལྷག་པར་བདེ་ཆེན་ཁུལ་གྱི་འཕེལ་རྒྱས་གནས་བབ་ལ་རྒྱུས་ལོན་བྱེད་དུ་འཇུག་རྒྱུ་ཡིན་པར་བསྟན།
འཛིན་གྲྭ་སློབ་སྦྱོང་བྱེད་འགོ་བརྩམས་པའི་མཛད་སྒོ་སྟེང་། གསོ་སྦྱོང་སྟེང་ཞུགས་པའི་གྲྭ་བཙུན་དག་གིས་གཏམ་བཤད་སྤེལ་བ་དང་། ཁོང་ཚོས་རྒྱལ་ཁབ་དང་ཕ་ཡུལ་གྱི་འཕེལ་རྒྱས་ལ་དགའ་སྤྲོ་ཆེན་པོ་སྐྱེས་ཡོད་ལ། རྗེས་མར་སྔར་ལས་ལྷག་པར་སློབ་སྦྱོང་ལ་ཤུགས་བསྣན་ནས་མི་རིགས་མཐུན་སྒྲིལ་དང་ཆོས་ལུགས་དར་སྤེལ། སྤྱི་ཚོགས་བདེ་འཇགས་སྲུང་སྐྱོབ་སོགས་ལ་འབད་པ་བྱེད་རྒྱུ་ཡིན། ཁོང་ཚོས་བདེ་ཆེན་ཁུལ་ཏང་ཨུ་དང་ཁུལ་སྲིད་གཞུང་གིས་ནང་བསྟན་ཆོས་ལུགས་དར་སྤེལ་བྱེད་པར་མཐུན་རྐྱེན་གང་ལེགས་སྐྲུན་ནས། ནང་བསྟན་ཆོས་ལུགས་ཀྱི་ཤེས་བྱ་མང་པོ་རྒྱ་ཆེའི་དད་ལྡན་མང་ཚོགས་ལ་རྒྱུད་སྒྲོག་བྱེད་རྒྱུ་ཡིན་པའི་རེ་བ་བཏོན།
བདེ་ཆེན་ཁུལ་ཏང་ཨུའི་འཐབ་ཕྱོགས་གཅིག་གྱུར་པུའུ་དང་བདེ་ཆེན་ཁུལ་ནང་བསྟན་མཐུན་ཚོགས། ཆོས་ལུགས་ཅུའུ། ནང་བསྟན་སློབ་གླིང་དང་བོད་རིགས་སྤུན་ཟླའི་གཞུང་སྒྲུབ་ཁང་སོགས་འབྲེལ་ཡོད་སྡེ་ཁག་གི་འགན་ཁུར་བ་ཐེངས་འདིའི་འཛིན་གྲྭ་ཚོགས་འགོ་བརྩམས་པའི་མཛད་སྒོར་ཞུགས། །
全州藏传佛教教职人员培训班开班
香格里拉网讯 （记者 和启光） 近日，全州藏传佛教教职人员培训班在香格里拉县城举行开班仪式。州政协副主席、州佛教协会会长丹增确佩出席开班仪式并讲话。
丹增确佩指出，目前，迪庆经济社会取得长足发展，广大人民群众生活条件日益改善，全州各项事业欣欣向荣。举办此次培训班，旨在向学员介绍我州经济社会发展情况，让学员进一步了解迪庆发展现状。
开班仪式上，参加培训的学员作了交流发言，他们说，国家的快速发展和家乡日新月异的变化使他们感到自豪，今后将进一步加强学习，促进团结，弘扬佛法，维护社会稳定。他们希望，州委、州政府为弘扬佛教文化创造更加有利的条件，让他们把学到的佛教知识更好更多地传播给广大信教群众。
州委统战部，州佛教协会、宗教局、佛学院、藏胞办等相关部门负责人参加开班仪式。
