མདུན་ཤོག- གསར་འགྱུར།- ཡུལ་གྲུའི་གསར་འགྱུར།- ཡུན་ནན།

ཡུན་ནན་བོད་རིགས་ས་ཁུལ་གྱི་སློབ་ཆུང་ནས་ཧུར་ཐག་སྒོས་བྱང་ཚད་སློབ་གསོ་སྤེལ་བཞིན་ཡོད་པ།

རྩོམ་པ་པོ། ཚེ་རིང་རྒྱ་མཚོས་བསྒྱུར།  ཡོང་ཁུངས། ཀྲུང་གོ་བོད་ཀྱི་དྲ་བ།  2014-03-20 10:08

    ཀྲུང་གོའི་བོད་ཀྱི་དྲ་བའི་འཕྲིན། ཟླ3པའི་ཚེས17ཉིན།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་བདེ་ཆེན་རྫོང་གི་སློབ་ཆུང་དང་པོའི་སློབ་མས་ཞབས་བྲོ་ཁང་དུ་མི་རིགས་ཞབས་བྲོ་འཁྲབ་བཞིན་པའི་ཚུལ།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་བདེ་ཆེན་རྫོང་གི་སློབ་ཆུང་དང་པོ་ནི་ཡུན་ནན་དང་བོད་ལྗོངས་ས་མཚམས་ཀྱི་ཤར་དཀར་གངས་རིའི་འདབས་སུ་ཆགས་ཡོད་ལ།  སློབ་གྲྭ་འདི་ནི་ས་དེའི་ཤང་དང་གྲོང་རྡལ་གྱི་སློབ་གྲྭ་བཞི་གཅིག་བསྡུ་བྱས་ཏེ་བཙུགས་པའི་སློབ་ཆུང་ཞིག་ཡིན་པ་དང་ད་ལྟ་སློབ་མ1210ཡོད།  དེའི་ནང་སློབ་མ་མང་ཆེ་ཤས་བོད་རིགས་ཡིན།  སློབ་གྲྭའི་སློབ་ཁྲིད་ཀྱི་སྒྲིག་ཆས་ཚང་མ་གསར་སྐྲུན་བྱས་པ་མ་ཟད།  སློབ་མའི་ཟ་མ་དང་འདུག་ས་སོགས་རིན་མི་དགོས་པ་དང་།  སློབ་གྲྭས་ད་དུང་སློབ་སྦྱོང་དང་འཚོ་བའི་ཡོ་བྱད་གཅིག་གྱུར་སྒོས་འགྲེམ་གཏོང་བྱེད་ཀྱིན་ཡོད།  སློབ་ཆུང་འདིའི་ནང་ཁྱོན་ཡོངས་ནས་བྱང་ཚད་སློབ་གསོ་སྤེལ་བཞིན་ཡོད་ལ།  སྲོལ་རྒྱུན་གྱི་སློབ་ཁྲིད་རྒྱུན་འཛིན་བྱེད་པའི་རྨང་གཞིའི་སྟེང་།  མི་རིགས་ཞབས་བྲོ་དང་མི་རིགས་ལུས་རྩལ།  མི་རིགས་རི་མོ་སྒྱུ་རྩལ་སོགས་སློབ་གསེང་བར་གྱི་བྱ་འགུལ་ཕན་སུམ་ཚོགས་པ་བཀོད་སྒྲིག་བྱས་ཡོད།  མིག་སྔར།  རི་གྲོང་ནས་ཐོན་པའི་བྱིས་པ་རྣམས་ཀྱི་གནས་འདི་ནས་སྤུས་བཟང་སློབ་གསོ་ཐོན་ཁུངས་ལོངས་སྤྱོད་བྱེད་ཐུབ་པ་དང་།  དེང་རབས་ཅན་གྱི་སློབ་ཁང་ནས་ནན་ཏན་སྒོས་སློབ་སྦྱོང་བྱེད་པ་དང་བདེ་སྐྱིད་ངང་འཚར་ལོངས་བྱུང་དང་འབྱུང་བཞིན་ཡོད་པ་རེད།  ། 

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག