མདུན་ཤོག- གསར་འགྱུར།- ཡུལ་གྲུའི་གསར་འགྱུར།- ཡུན་ནན།

བདེ་ཆེན་ཁུལ་གྱི་རི་མོ་བརྩམས་ཆོས86ཁམས་པའི་རིག་གནས་སྒྱུ་རྩལ་དུས་ཆེན་སྟེང་འགྲེམ་སྟོན་བྱས་པ།

རྩོམ་པ་པོ། ཚེ་རིང་རྒྱ་མཚོས་བསྒྱུར།  ཡོང་ཁུངས། ཀྲུང་གོ་བོད་ཀྱི་དྲ་བ།  2013-10-23 10:45


བདེ་ཆེན་ཁུལ་གྱི་ཡིག་གཟུགས་རི་མོ་དང་པར་རིས་བརྩམས་ཆོས་དག་གིས་ལྟད་མོ་བས་ཡིད་དབང་བཀུག་པ།

ཀྲུང་གོའི་བོད་ཀྱི་དྲ་བའི་འཕྲིན།  སྤྱི་ཟླ10བའི་ཚེས19ཉིན། སྐབས་བདུན་པའི་ཁམས་པའི་རིག་གནས་སྒྱུ་རྩལ་དུས་ཆེན་ཡུན་ནན་དང་བོད་ལྗོངས།  སི་ཁྲོན།  མཚོ་སྔོན་སོགས་ཞིང་ལྗོངས་ལྔ་དང་འབྲེལ་བའི་བོད་རང་སྐྱོང་ལྗོངས་ཆབ་མདོ་ས་ཁུལ་དུ་སྤེལ་ཞིང་།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱིས་ཡིག་གཟུགས་རི་མོ་དང་འདྲ་པར་བརྩམས་ཆོས86དང་།  ཐང་ག6སྒྱུ་རྩལ་དུས་ཆེན་འདིའི་སྟེང་འགྲེམ་སྟོན་བྱས།  བརྩམས་ཆོས་འདི་དག་ལས་བདེ་ཆེན་ཁུལ་གྱི་རྩོམ་པ་པས་གསར་རྩོམ་གྱི་ཆུ་ཚད་མཚོན་ཡོད་པ་མ་ཟད།  གསོན་ཉམས་ལྡན་པའི་ངང་ནས་བདེ་ཆེན་ཁུལ་གྱི་དམངས་སྲོལ་འགྲེམ་སྟོན་བྱས་པ་རེད།

 བདེ་ཆེན་ཁུལ་དངོས་མང་བཤམས་སྟོན་ཁང་གི་འགོ་གཙོ་ཧོའུ་ཀུའེ་ཧྭ་ཡིས་མཚམས་སྦྱོར་བཤད་རྒྱུར།  རིག་གནས་སྒྱུ་རྩལ་གཙོ་སྒྲུབ་ལས་ཁུངས་ཀྱིས་བླང་བྱ་ལྟར་ཡིག་གཟུགས་རི་མོ་དང་པར་རིས་བརྩམས་ཆོས80འགྲེམ་གཏོང་བྱས་པ་དང་།  འདྲ་པར་བརྩམས་ཆོས་ཀྱི་བརྗོད་དོན་ནི་སེམས་ཀྱི་ཉི་ཟླ་རྫོང་གི་དུས་ཚིགས་བཞིའི་མཉམ་འགྱུར་ཡིན་ལ།  པར་རིས་བརྩམས་ཆོས་སོ་སོ་སྣུམ་ཚོམ་པར་རིས་དང་རང་རྒྱལ་གྱི་སྲོལ་རྒྱུན་རི་མོ།  བརྐོས་རིས།  བཟང་ཚོན་རི་མོ་དང་ཆུ་ཚོན་རི་མོ་སོགས་རྣམ་པ་དྲུག་ལས་གྲུབ་ཡོད།

བདེ་ཆེན་ཁུལ་གྱི་ཏང་ཨུའི་རྒྱུན་ཨུའམ། བདེ་ཆེན་ཁུལ་ཏང་ཨུའི་དྲུང་ཡིག་ཆེན་མོ་ལིའུ་ཅ་ཞོན་དང་བོད་ལྗོངས་ཆབ་མདོ་ས་ཁུལ།  མཚོ་སྔོན་ཡུས་ཧྲུའུ་ཁུལ།  སི་ཁྲོན་དཀར་མཛེས་ཁུལ་སོགས་ཀྱི་འགོ་ཁྲིད་དང་། འཐུས་ཚབ་ཚོགས་པའི་ཁོངས་མི་སོགས་རིག་གནས་སྒྱུ་རྩལ་དུས་ཆེན་སྤེལ་འགོ་བརྩམས་པའི་མཛད་སྒོ་ཞུགས་པ་མ་ཟད་དར་ཚོན་བཅད།  ། 

 

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག