ཀྲུང་གོའི་བོད་ཀྱི་དྲ་བའི་འཕྲིན། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱི་གནས་སྐོར་ལས་རིགས་ཚོགས་ཆེན་བསྡུས་རྗེས། བདེ་ཆེན་ཁུལ་གནས་སྐོར་ཅུའུ་ཡིས་མགྱོགས་མྱུར་ངང་གནས་སྐོར་ལས་རིགས་མཐུན་ཚོགས་སོ་སོའི་འགན་ཁུར་མི་སྣ་རྩ་འཛུགས་བྱས་ཏེ《གནས་སྐོར་བཅའ་ཁྲིམས》སློབ་སྦྱོང་བྱེད་པའི་དུས་མཚུངས་སུ། ཁུལ་ཡོངས་ཀྱི་གནས་སྐོར་ལས་རིགས་ལ《གནས་སྐོར་བཅའ་ཁྲིམས》ཕྱོགས་ཀྱི་གསོ་སྦྱོང་ལག་དེབ10000འགྲེམ་གཏོང་བྱས།
ཤེས་གསལ་བྱུང་བ་ལྟར་ན། བདེ་ཆེན་ཁུལ་གནས་སྐོར་ཅུའུ་ཡིས་ཁུལ་ཡོངས་ཀྱི་གནས་སྐོར་ཁེ་ལས་སོ་སོའི་ལག་ལེན་དངོས་དང་བསྟུན་ཅི་ཐབས་བྱས་ཏེ《གནས་སྐོར་བཅའ་ཁྲིམས》ལག་བསྟར་བྱེད་པའི་ཇུས་གཞི་གཏན་འབེབས་བྱེད་དགོས་པ་དང་། རང་སྦྱོང་དང་གཅིག་བསྡུས་སྒོས་སློབ་སྦྱོང་བྱེད་པ་དང་། གོ་རིམ་ཡོད་པའི་སྒོ་ནས《གནས་སྐོར་བཅའ་ཁྲིམས》ལ་སློབ་སྦྱོང་བྱེད་ཐབས་སྤྱད།《གནས་སྐོར་བཅའ་ཁྲིམས》སློབ་སྦྱོང་བྱེད་པ་དེ་གནས་སྐོར་ལས་ཁུངས་ལོ་མཇུག་གི་ཞིབ་བཤེར་དང་། ཉོ་ཚོང་ལྟེ་གནས། བོད་རིགས་སྤྲོ་ཁྱིམ་སོགས་གནས་སྐོར་ལས་རིགས་སོ་སོའི་རིམ་པ་བགར་བའི་དཔྱད་ཞིབ་ནང་འཇོག་དགོས་པའི་བླང་བྱ་བཏོན། །
