མདུན་ཤོག- གསར་འགྱུར།- ཡུལ་གྲུའི་གསར་འགྱུར།- ཡུན་ནན།

སེམས་ཀྱི་ཉི་ཟླ་རྫོང་གིས“གྲངས་འཛིན་སྡེ་བ”འཛུགས་སྐྲུན་བྱེད་པར་སྐུལ་འདེད་བྱས་པ།

རྩོམ་པ་པོ། ཚེ་རིང་རྒྱ་མཚོས་བསྒྱུར།  ཡོང་ཁུངས། ཀྲུང་གོ་བོད་ཀྱི་དྲ་བ།  2013-08-22 10:54

ཀྲུང་གོའི་བོད་ཀྱི་དྲ་བའི་འཕྲིན།  ཉེ་ལམ།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་ཞིང་ལས་དང་ཚན་རིག་ལག་རྩལ་ཅུའུ་ཞིང་ལས་དཔལ་འབྱོར་ས་ཚིགས་ཀྱིས་རྫོང་ཡོངས་ཀྱི་ཤང་དང་གྲོང་རྡལ11གི་བཟོ་འགོད་ལས་བྱེད་མི་སྣ་རྩ་འཛུགས་བྱས་ཏེ་བདེ་ཆེན་ཁུལ་དཔེ་མཛོད་ཁང་དུ་ལས་རྐང་གསོ་སྦྱོང་བྱས་པ་དང་།  གསོ་སྦྱོང་སྟེང་ཁུལ་ཞིང་ཕྱུགས་ཅུའུ་ཡི་ཆེད་ལས་མཁས་པ་གདན་ཞུ་བྱས་ནས“གྲངས་འཛིན་སྡེ་བའི”ཡི་གེ་དང་པར་རིས།  བརྡ་འཕྲིན།  བརྙན་རིས་སོགས་ཀྱི་གསར་སྒྱུར་ནུས་རྩལ་འཆད་ཁྲིད་བྱས་པ་བརྒྱུད།  “གྲངས་འཛིན་སྡེ་བའི”དྲ་ཚིགས་ཀྱི་དོ་དམ་སྲུང་སྐྱོབ་ཆུ་ཚད་མཐོར་འདེགས་སུ་བཏང་སྟེ།  རྫོང་ཡོངས་ཀྱི་ཞིང་ལས་བརྡ་འཕྲིན་ཅན་དུ་འཛུགས་སྐྲུན་བྱེད་པའི་གོམས་ཁ་ཇེ་མགྱོགས་སུ་བཏང་།

གྲངས་འཛིན་ཞིང་སྡེའི་རྣམ་གྲངས་ནི་ཡུན་ནན་ཞིང་ཆེན་གྱི་བརྡ་འཕྲིན་ཅན་དང་གྲངས་འཛིན་ཅན།  གཞུང་སྒྲུབ་རང་འགུལ་ཅན།  གློག་རྡུལ་སྲིད་དོན་བཅས་འཛུགས་སྐྲུན་བྱེད་པའི་ནང་དོན་གལ་ཆེན་ཞིག་ཡིན་པ་དང་། ཞིང་ཆེན་དང་གྲོང་ཁྱེར།  ཤང་།  སྡེ་བའི“གྲངས་འཛིན་སྡེ་བའི”དྲ་རྒྱ་ཞབས་ཞུའི་མ་ལག་ལས་པར་རིས་དང་གཞི་གྲངས། ཡི་གེ་སོགས་རྣམ་པ་མང་པོ་བརྒྱུད་དེ།  ཆེས་མགྱོགས་པ་དང་ཆེས་སྟབས་བདེ་ཡིན་པའི་སྒོ་ནས་རིམ་པ་སོ་སོའི་མགོ་ཁྲིད་དག་གིས་དུས་ལྟར་གཞི་རིམ་གྱི་གནས་ཚུལ་རྒྱུས་ལོན་བྱེད་པར་མཐུན་རྐྱེན་སྐྲུན།  སེམས་ཀྱི་ཉི་ཟླ་རྫོང་གི“གྲངས་འཛིན་སྡེ་བའི”བཟོ་འགོད་ཐད་བསྡོམས་པས་ཤང་དང་གྲོང་རྡལ་རིམ་པའི་དྲ་ཚིགས11དང་།  སྡེ་མི་ཨུ་ཡོན་ལྷན་ཁང་གི་དྲ་ཚིགས64།  རང་བྱུང་སྡེ་བའི་དྲ་ཚིགས607འཛུགས་སྐྲུན་དང་སྲུང་སྐྱོབ་བྱ་བ་ལེགས་འགྲུབ་འབྱུང་དགོས།  2013ལོའི་སྤྱི་ཟླ7པའི་བར་དུ།  རྫོང་ཡོངས་ཀྱི“གྲངས་འཛིན་སྡེ་བའི”བཟོ་འགོད་ལས་ཡི་གེ་གཞི་གྲངས་བརྡ་འཕྲིན270984དང་།  པར་རིས་བརྡ་འཕྲིན31837།  བརྙན་རིས679བཅས་འགྲེམ་སྤེལ་བྱས།  ། 

 

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག