པར་འདི་ནི་བོད་རང་སྐྱོང་ལྗོངས་ལྷོ་ཁ་གྲོང་ཁྱེར་རྒྱ་ཚ་རྫོང་གི་སྟར་ཁའི་སྣུམ་ལས་སྣོན་ཁེ་ལས་ཀྱི་ལས་དོན་མི་སྣས་ཐོན་སྐྱེད་དངོས་རྫས་ལ་ལྟ་ཞིབ་བྱེད་བཞིན་པའི་ཚུལ་རེད།
ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོ་འགའི་རིང་། བོད་རང་སྐྱོང་ལྗོངས་ལྷོ་ཁ་གྲོང་ཁྱེར་རྒྱ་ཚ་རྫོང་གིས་སྟར་ཁའི་ཐོན་ལས་དེ་གྲོང་གསེབ་ཀྱི་ཐོན་ལས་སྒྲིག་གཞི་ལེགས་སྒྲིག་དང་རྫོང་ཡོངས་ཀྱི་དཔལ་འབྱོར་འཕེལ་རྒྱས་ལ་སྣེ་ཁྲིད་བྱེད་པའི་གཙོ་ཁྲིད་ཐོན་ལས་སུ་བརྩིས་ཏེ། གཞི་ཁྱོན་ཅན་གྱི་ཐོན་སྐྱེད་དང་གསར་སྤེལ་བྱེད་ཤུགས་མུ་མཐུད་ཆེ་རུ་བཏང་ནས། དཔལ་འབྱོར་འཕེལ་རྒྱས་དང་ཁོར་ཡུག་སྲུང་སྐྱོང་གི་གཉིས་རྒྱལ་ལམ་བུར་བསྐྱོད་ཡོད་ལ། སྟར་ཁའི་ཐོན་ལས་དེ་རྒྱ་ཚའི་རོང་འབྲོག་མང་ཚོགས་ཀྱི་ཡོང་འབབ་འཕར་སྣོན་བྱུང་བའི་མཛེས་སྡུག་ལྡན་པའི་ཡུལ་ལྗོངས་ཞིག་ཏུ་གྱུར་ཡོད། །