པར་འདི་ནི་གྲི་གུའི་རླུང་ཤུགས་གློག་འདོན་ས་ཚིགས་ཀྱི་གློག་འདོན་འཕྲུལ་ཆས་འཁོར་སྐྱོད་བྱེད་བཞིན་པའི་རྣམ་པ་རེད།
ཀྲུང་གོ་བོད་ཀྱི་དྲ་བའི་འཕྲིན། ཉེ་བའི་ལོ་འགའི་རིང་། བོད་ལྗོངས་ཀྱི་ནུས་རྒྱུ་གཙང་མའི་ཐོན་ལས་འཕེལ་རྒྱས་ཀྱི་གོམ་སྟབས་རྒྱུན་ཆད་མེད་པར་ཇེ་མགྱོགས་སུ་ཕྱིན་ཡོད། ན་ནིང་གི་ཟླ12པར། འཕྲུལ་ཆས་ནས་གློག་འདོན་ཚད་ཀྲའོ་ཝ22ཟིན་པའི་ལྷོ་ཁ་གྲོང་ཁྱེར་མཚོ་སྨད་རྫོང་གྲི་གུའི་ཁ་ཐོར་རྣམ་པའི་རླུང་ཤུགས་གློག་འདོན་ས་ཚིགས་ཀྱི་འཕྲུལ་ཆས10ཡིས་དངོས་སུ་གློག་གཏོང་མགོ་ཚུགས་ཤིང་། བོད་ལྗོངས་ཀྱིས་ས་བབ་མཐོ་བའི་ནུས་རྒྱུ་གཙང་མ་གསར་སྤེལ་དང་བེད་སྤྱོད་བྱ་རྒྱུ་སྔར་བས་འཚོལ་ཞིབ་དང་། ནུས་རྒྱུ་གྲོན་ཆུང་དང་བཙོག་འབུད་ཉུང་གཏོང་། ལྗང་མདོག་འཕེལ་རྒྱས་བཅས་ལ་སྐུལ་འདེད་གཏོང་རྒྱུའི་ཐད་དོན་སྙིང་གལ་ཆེན་ལྡན་ཡོད། །